Programa di Reunion di Sirbishi

Siman di 12 di Mart

Cantica 112

10 min: Anuncionan local. Anuncionan selectá for di Nos Ministerio di Reino.

15 min: Necesidadnan local.

20 min: “April—Tempu pa Nos ‘Traha Duru i Haci Esfuerso.’ ” (§1-13) Na encargo dje superintendente presidente. Un consideracion entusiasmá di loke nos kier logra na april. Animá tur hende den congregacion pa haci nan parti pa alcansá e meta di 100 porciento di participacion den e ministerio e luna ei.

Cantica 147 i oracion di conclusion.

Siman di 19 di Mart

Cantica 166

8 min: Anuncionan local. Informe di cuenta.

17 min: Haci Bon Uso dje Anuario 2001. Discurso i consideracion cu auditorio. Repasá “Totalnan di 2000,” na página 31. Considerá “Carta dje Cuerpo Gobernante,” na página 3-5. Laga algun ruman den auditorio relatá un informe of experencia for dje Anuario nobo cu a animá nan i a fortalecé nan fe mashá. Animá famianan pa lesa henter e Anuario huntu, mescos cu e famia di Betel ta haci mundialmente. Hala atencion na e preguntanan na página 255 cu e rumannan por usa pa repasá loke nan a siña. Pidi sugerencianan en cuanto con pa usa e Anuario pa yuda studiantenan di Bijbel haña mas aprecio p’e organisacion di Jehova i p’e privilegio di ta parti di dje.

20 min: “April—Tempu pa Nos ‘Traha Duru i Haci Esfuerso.’ ” (§14-30) Na encargo dje superintendente di sirbishi. Un discurso i lo considerá partinan selectá via pregunta i contesta. Tur hende mester traha un programa práctico pa participá mas tantu posibel den e ministerio durante april. Describí henter e programa cu tin planeá pa reunionnan di sirbishi di veld pa e luna. Animá tur cu por, pa traha pionero auxiliar i obtené un solicitud despues di reunion.

Cantica 188 i oracion di conclusion.

Siman di 26 di Mart

Cantica 204

10 min: Anuncionan local. Splica cu no ta muchu lat pa entregá un solicitud pa sirbi como pionero auxiliar na april. Animá tur presente pa sigui e lesamentu di Bijbel pa Memorial programá pa 3-8 di april, cu ta pará den Examinando e Scritura diariamente—2001. Anunciá ki dia lo tene e Studio di Toren di Vigilancia dje siman di Memorial. No lubidá riba e discurso público special, diadomingo akí 1 di april, titulá “Ken Por Ser Salbá?” Urgi tur hende pa participá den e ministerio riba e dia ei, dunando april un bon comienso.

20 min: “Laga Nos Tur Onra Jehova i Su Yu.” Un discurso bíblico motivador na encargo di un anciano. Animá tur hende pa participá mas plenamente posibel den e actividad special planeá pa april i haci extra esfuerso pa invitá hende na Memorial.

15 min: Preparando Nos Presentacionnan di Revista. Durante april nos lo ofrecé E Toren di Vigilancia i Spierta! Repasá página 8, §3 i 10, di Nos Ministerio di Reino di october 1996. Resaltá (1) un artículo, (2) un punto di combersacion apropiado, (3) un pregunta pa stimulá interes i (4) un texto oportuno cu por ser usá eficasmente pa presentá cada un dje revistanan actual. Trata na usa e foyeto Rekerí of e buki Conocimentu pa cuminsá studio di Bijbel cu hende interesá. Concluí cu un demostracion bon prepará dje manera cu por haci esaki na e bishita inicial.

Cantica 207 i oracion di conclusion.

Siman di 2 di April

Cantica 220

9 min: Anuncionan local. Corda publicadónan pa entregá raport di sirbishi di veld di mart. Repasá “Recordatorionan di Memorial.”

18 min: “Amor Ta Motivá Nos pa Predicá.”a Enfatisá e textonan den e artículo. Incluí puntonan presentá den Perspicacia (na spañó) Volúmen 2, página 695, §5 (na ingles, página 673, §1). Laga un publicadó cu ta activo pa hopi aña, relatá con amor pa Dios ta motiv’é pa persistí den e trabou di predicá. Urgi tur publicadó pa participá den e trabou di duna testimonio durante april i tur otro luna despues di esei.

18 min: “Yuda Otro Hende Asistí na Reunion.”b E suplemento di Nos Ministerio di Reino di juni 1996, §14-16, ta duna mas sugerencia pa dirigí studiantenan di Bijbel na e organisacion. Mustra con for di principio por usa tantu e foyeto Rekerí (les 5, §7) como e buki Conocimentu (capítulo 5, §22) pa animá asistencia na reunion. Pa ilustrá esaki, tene un demostracion bon prepará caminda un publicadó capas den un forma caluroso ta animá un studiante pa pensa seriamente riba binimentu di reunion.

Cantica 47 i oracion di conclusion.

[Footnotes]