Anuncionan

◼ Oferta di literatura pa april cu mei: E revistanan Toren di Vigilancia i Spierta! Si na un rebishita e persona mustra interes, por ofrec’é abonament. Ofrecé e buki Conocimentu of e foyeto Rekerí, cu e meta di cuminsá studio di Bijbel na cas. Juni: Kico Dios Ta Rekerí di Nos? of Conocimentu cu Ta Hiba na Bida Eterno. Concentrá riba cuminsá studionan di Bijbel na cas. Juli: Por usa cualkier un dje siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Kico Ta Sosodé cu Nos ora Nos Muri?, “Mira! mi ta traha tur cos nobo,”Ora un Persona Stimá Muri i Kico Ta e Propósito di Bida? Con Bo Por Haña Sa? Caminda ta apropiado por ofrecé e foyetonan Hamas Lo Yega di Tin un Mundu Sin Guera?, Nos Problemanan—Ken Lo Yuda Nos Solucioná Nan?, Spiritu dje mortonan—Nan por yudá bo of hací bo daño? Nan realmente ta existí? i Un Buki pa Tur Hende.

◼ Cuminsando na april lo incluí karchi pa badge pa e congreso di distrito 2001 na hulandes, ingles, papiamento i spañó, automáticamente huntu cu e cargamentu di literatura. Lo no tin nodi pidi nan. Lo manda e karchinan na set di 25, basá riba e tamaño di cada congregacion. Si e congregacion tin mester di mas karchi, mester haci pedido pa esakinan riba un Formulario di Pedido di Literatura (S-14). Mester haci pedido dje plestik pa e karchi pa esnan den congregacion cu kier nan.

◼ Asignacion Num. 3 i Num. 4 dje “Programa di Scol di Ministerio Teocrático 2001” ta basá riba cierto página i paragrafnan dje buki Razonamentu. Ora di conta paragraf den e buki, mester conta solamente esnan cu e promé liña ta cuminsá un tiki aden.

◼ Ta necesario pa Sociedad mantené un registro al dia di adres i number di telefon di tur superintendente presidente i secretario. Asina cu tin un cambio, e secretario mester yena i manda mesora e formulario (S-29) Cambio di Adres di Superintendente Presidente/Secretario pa Sociedad. Esaki ta encerá cambio den código dje zona.

◼ Secretarionan di congregacion tin cu mantené un suministro adecuá dje Solicitud pa Sirbishi di Pionero Regular (S-205) i Solicitud pa Sirbishi di Pionero Auxiliar (S-205b). Por haci pedido pa e formularionan aki riba e Formulario di Pedido di Literatura (S-14). Tene por lo ménos un suministro di un aña. Repasá tur formulario di solicitud di pionero regular pa haci sigur cu nan ta completamente yená. Si e solicitante no por corda su fecha exacto di bautismo, e mester calcul’é i haci un nota di dje.

◼ E buki E Profecia di Isaías—Lus pa Henter Humanidad I ta disponibel awor na papiamento. Cuminsando e siman di 30 di juli 2001, lo studi’é na Studio di Buki di Congregacion. Secretarionan di congregacion i sirbidónan di literatura mester haci sigur cu ta bestèl suficiente ehemplar pa cada congregacion huntu cu e pedido di literatura di april. Pa por haña e bukinan aki na tempu, Sucursal mester ricibí pedido pa e buki E Profecia di Isaías pa mas tardá dia 23 di april 2001. Por fabor, no neglishá di haci e pedido pa e bukinan aki na tempu.

◼ Sociedad ta preparando un edicion di letter grandi di E Profecia di Isaías—Lus pa Henter Humanidad I pa beneficio di esnan cu problema cu bista. E buki aki kaft moli, tamaño di revista i sin plachi, lo tin 512 página i e tamaño dje letternan lo ta igual cu e edicion di letter grandi dje Toren di Vigilancia cu ta contené solamente e dos artículonan di studio. Pa awor akí lo e ta disponibel na ingles so. Lo anunciá otro idiomanan segun cu nan bira disponibel. Riba e formulario di pedido por pidié como E Profecia di Isaías I-Letter Grandi.

◼ Superintendentenan presidente i secretarionan mester tuma nota cu mester manda e Raport di Congregacion (S-1) sucursal pa dia 6 di cada luna. Publicadónan lo kier cooperá dor di entregá nan raport personal di sirbishi di veld ora anunciá esei na fin di luna. Conductornan di studio di buki por yuda e secretario obtené e raportnan cu ta lat, di manera cu por manda e Raport di Congregacion na tempu sucursal.

◼ Sirbidónan di literatura di congregacion i coordinadónan di literatura di Salon di Reino mester haci sigur di entregá pedido adecuá di literatura tur luna. Ta mihó pa tur luna manda un pedido pa sucursal procesá i asina mantené e congregacion bon di stock cu literatura. Tene na mente cu mayoria literatura cu e congregacionnan mester, sucursal no tin na stock, ya cu e intencion ta pa tene stock na Salon di Reino. Corda tambe cu lo dura rond di 8 siman pa haña loke a pidi, contando for dje fecha cu sucursal a ricibí e pedido. Haci pedido di artículonan hopi tempu promé cu mester di nan.

◼ Ki ora cu bo plannan di biahe ta incluí asistí na reunionnan di congregacion, un asamblea di circuito of un congreso di distrito den un otro pais, bo mester dirigí bo peticion pa informacion relacioná cu fecha, ora i sitio di reunion na e oficina di sucursal cu ta supervisá e obra den e pais ei. Por haña adres di oficinanan di sucursal na e último página dje Anuario coriente.

◼ Un dje suplementonan den e edicion aki di Nos Ministerio di Reino ta e “Preguntanan di Studio pa e foyeto Con sanger por salba bo bida?” cu lo ser usá durante Studio di Buki di Congregacion di 14 di mei pa 23 juli 2001.

◼ E Toren di Vigilancia na portugues lo ta disponibel riba audiocaset cuminsando cu e edicion di 1 di april 2001.

◼ Publicacionnan Nobo Disponibel:

Dios Realmente Ta Interesá den Nos? —hebreo

Con sanger por salba bo bida? —hebreo

E Profecia di Isaías—Lus pa Henter Humanidad I —amárico, hulandes, papiamento

Testigonan di Jehova—Ken Nan Ta? Kico Nan Ta Kere? —arabir, chines, chines (simplificá)

Canta Alabanza na Jehova (29 cantica) —hindi

E Guia di Dios—Nos Caminda pa Paradijs —bengali, checo, gujarati, malayalam, perso, urdu

Index di Publicacionnan Watch Tower 1997 —frances, hulandes, spañó

Index di Publicacionnan Watch Tower 1998 —frances

Index di Publicacionnan Watch Tower 1999 —frances, italiano

Kico Ta Sosodé cu Nos ora Nos Muri? —papiamento

Ora un Persona Stimá Muri —armenio, hebreo

Bo Por Ta Amigu di Dios! —hulandes, urdu

◼ Audiocasetnan Nobo Disponibel:

Apreciá Nos Patrimonio Spiritual (Drama, un solo caset) —aleman, polaco

Mantené Bo Wowo Simpel (Drama, un solo caset) —hulandes

Conocimentu cu Ta Hiba na Bida Eterno (cincu caset den un album) —hapones

Marcá pa Sobrebibí (Drama, un solo caset) —norwechi

Mi buki di relato bíblico (cuater caset den un album) —checo

E Secreto pa Felicidad den Famia (cuater caset den un album) —hapones

Ora un Persona Stimá Muri (un solo caset) —aleman, danes, spañó

Pakico Respetá Areglonan Teocrático? (Drama, un solo caset) —spañó

◼ Videocasetnan Nobo Disponibel:

Noe A Cana cu Dios —arabir, chines (mandarin), koreano

Bijbel—Historia Exacto, Profecia Confiabel —checo

Kico Dios Ta Rekerí di Nos? —idioma di seña mexicano