Repaso di Scol di Ministerio Teocrático

Repaso cu buki cerá basá riba e material cu a ser tratá den asignacionnan den e Scol di Ministerio Teocrático p’e simannan di 1 di januari te cu 23 di april 2001. Usa un blachi separá pa skirbi contesta di mas tantu pregunta posibel den e tempu asigná.

[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]

Contestá cada un dje siguiente declaracionnan cu Cierto of Falsu:

1. Maske nunca nos no mester laga puru sentimentalismo ciega nos pa malecho serio, nos por imitá e ehempel di Josef dor di pordoná misericordiosamente un persona arepentí cu a peca contra nos. (Gén. 42:21; 45:4, 5) [1, w99-PA 1/1 pág. 31 §2-3] Cierto.

2. Fuera di e lista di genealogianan, 1 Crónicanan ta contené djis un ripiticion dje material cu tin den e bukinan di Samuel i Reynan. [4, si-S pág. 75 §1] Falsu. Den henter e Scritura ta na 1 Crónicanan bo ta haña algun dje expresionnan di alabansa mas bunita na Jehova; ademas, e ta duna un maraviyoso bista adelantá di Jehova su Reino di husticia.

3. Bijbel ta referí solamente na un “anticristo” cu lo aparecé un dia den futuro. [4, rs-S pág. 37 (rs-E pág. 32)] Falsu. Na 1 Juan 2:18, e apostel ta indicá cu “hopi anticristo” a aparecé durante promé siglo.

4. Jesus a mustra su humildad dor di aceptá e asignacion único di bini na tera for dje region celestial i bira un ser humano humilde, inferior cu angel. (Fil. 2:5-8; Heb. 2:7) [5, w99-PA 1/2 pág. 6 §3] Cierto.

5. Arkeologia ta confirmá cu Sisak a invadí Huda i a plunder “e tesoronan dje cas di Jehova i e tesoronan dje cas dje rey.” (2 Cró. 12:9) [11, Lesamentu semanal di Bijbel; mira w88-S 1/2 pág. 26 §4.] Cierto. E suceso ta ser confirmá dor di un relieve riba un muraya di e tempel di Amon na Karnak, Egipto.

6. Cristiannan dje promé siglo no a bautisá baby. [12, rs-S pág. 57 (rs-E pág. 55)] Cierto.

7. Hende mester sirbi Dios sin tene un recompensa na bista. [13, w99-PA 15/4 pág. 16 §1] Falsu. Manera Hebreonan 11:6 ta mustra, reconocimentu di Jehova su personalidad, incluso su disposicion pa recompensá esnan cu ta haci su boluntad, ta vital den e fe cristian.

8. Ora David a referí na Jehova su “echonan,” manera ta pará skirbí na Salmo 103:2, e tabatin Jehova su creacion físico na mente. [15, w99-PA 15/5 pág. 21 §5-6] Falsu. Den e salmo aki, David ta relatá Jehova su actonan di bondad amoroso, cuminsando cu Su pordon. (Sal. 103:3)

9. Tantu e tempelnan cu Sálomon, Zorobabel i Herodes a traha, como e tabernáculo cu Moises a traha, tur ta representá e mésun cos. [17, si-S pág. 87 §16] Cierto. Nan tur ta representá “e berdadero tent,” esta e tempel spiritual cu ta e areglo pa acercá Jehova den adoracion a base di e sacrificio di Cristo. (Heb. 8:2; 9:2-10, 23)

10. E genealogianan na 1 Crónicanan no tabata masha beneficioso pa e congregacion cristian di promé. [8, si-S pág. 78 §23] Falsu. Mateo i Lucas a logra usa e genealogianan ei pa establecé claramente cu Jesucristo tabata “yu di David” i e Mesías cu derecho legal. (Mat. 1:1-16; Luc. 3:23-38)

Contestá e siguiente preguntanan:

11. Di con Jehova su huicio riba Acab su cas tabata asina pisá? (1 Rey. 16:31; 2 Rey. 9:7, 26) [3, si-S pág. 74 §34] Pa motibu di adoracion di Baal i e dramamentu di sanger cu esaki a trece cuné.

12. Manera Mateo 24:45-51 ta indicá, kico ta caracterisá esnan cu bira apóstata? [4, rs-S (rs-E) pág. 35] Nan no solamente ta bandoná e fe berdadero sino tambe ta “bati” nan ex-compañeronan, criticando nan públicamente i usando otro métodonan pa stroba nan trabou; e esfuerso di tal apóstata ta pa logra basha bou, no pa edificá. (Idea principal ta suficiente)

13. Ki les serio tocante un hende su puntonan fuerte nos por siña for di e caso di rey Uzías di Huda? (2 Cró. 26:15-21) [14, Lesamentu semanal di Bijbel; mira w99-PA 1/12 pág. 26 §1-2.] Ora bo no balansá bo puntonan fuerte cu sabiduria, modestia i humildad, fácilmente nan por bira debilidad of desbentaha.

14. En bes di instituí un ritual, kico tabata e les poderoso cu Jesus a siña nos dor di laba pia di su apostelnan? (Juan 13:4, 5) [7, w99-PA 1/3 pág. 31 §1] Jesus a percurá un ehempel poderoso den humildad; nos no mester pensa cu nos ta asina importante cu otronan semper mester sirbi nos, ni tampoco nos no tin cu aspirá posicion di onor i prestigio; nos mester ta dispuesto pa efectuá e servicio di mas humilde pa otronan. (Idea principal ta suficiente)

15. Di con e relato na 1 Crónicanan 14:8-17 tabata di interes den e tempu di Isaías, i di con e mester ta di interes pa cristiandad awe? (Isa. 28:21) [6, Lesamentu semanal di Bijbel; mira w91-S 1/6 pág. 21 §2-3.] Mescos cu Jehova a efectuá un acto straño contra e filisteonan, Isaías a spierta cu Jehova lo haci algu mes straño i poderoso contra e burachénan spiritual di Huda. Loke a sosodé cu Huda ta un modelo di loke lo bai sosodé finalmente cu cristiandad. (Idea principal ta suficiente)

16. Ki aspectonan dje adoracion di Baal a hacié atractivo pa hopi israelita? [12, w99-PA 1/4 pág. 29 §3-6] Adoracion di Baal no a exigí mashá di su siguidónan; e israelitanan no tabatin nodi warda e Ley; su prácticanan sensual a atraé e carni; adoradónan cananeo di Baal a parce di ta prosperá materialmente. (Idea principal ta suficiente)

17. Ki les práctico nos por siña for di e trabou di Ezekías pa protehá i aumentá e suministro di awa di Jerusalem. (2 Cró. 32:3, 4) [15, Lesamentu semanal di Bijbel; mira w96-PA 15/8 pág. 6 §1-2.] Awa dje berdad ta disponibel pa esnan cu ta coba dor di nan rutina diario ocupá, i no ta laga ningun hende ni nada stroba nan di tuma for di e provision aki cu ta sostené bida.

18. Con e ehempel di Hosías por ta un animacion pa hóbennan awe sirbi Dios i para firme contra adoracion falsu? (2 Cró. 34:3, 8, 33) [16, Lesamentu semanal di Bijbel; mira w90-S 1/8 pág. 5 §2.] Na edad di mas o ménos 15 aña, “miéntras e tabata mucha ainda,” el a cuminsá busca Dios; promé cu el a haci 20 aña, el a cuminsá un campaña contra adoracion falsu i mas despues el a laga drecha e tempel i a restorá adoracion puru den e tera.

19. Tur e hudiunan cu a keda Babilonia tabata infiel, i ki les práctico nos por siña di esaki? (Esd. 1:3-6) [17, Lesamentu semanal di Bijbel; mira w86-S 15/1 pág. 8 §4, 7.] Aunke algun hudiu kisas tabata materialista of sin aprecio, otronan kisas no por a regresá nan patria dor di nan circunstancia, manera edad avansá of malesa. Awe, no ta tur hende por drenta sirbishi di tempu completo, pero nan—mescos cu e israelitanan—por apoyá i animá esnan cu sí por ta mas activo den promové adoracion berdadero.

20. Kico den e relato na 2 Crónicanan 5:13 i 14 ta indicá cu Jehova tabata scucha e alabansanan melodioso di su pueblo i cu esei a cai na su agrado? [9, Lesamentu semanal di Bijbel; mira w94-PA 1/5 pág. 10 §7.] El a yena e tempel cu un nubia sobrenatural; su gloria a yena su cas. (Idea principal ta suficiente)

Yena e palabra(nan) of frase necesario pa completá cada un dje siguiente declaracionnan:

21. Si bo ta duna conseho na un compañero cristian, bo mester haci sigur cu loke bo ta bisa ta basá riba sabiduria divino, i no riba teoria i filosofia humano. (Col. 2:8) [2, w99-PA 15/1 pág. 22 §1]

22. Durante e bataya di Armagedon lo no ta posibel pa tuma un posicion neutral. (Mat. 12:30; 2 Tes. 1:8) [9, rs-S pág. 45 (rs-E pág. 48)]

23. Mescos cu sumpiña por stroba mata chikitu di crece, asina ansiedad descontrolá i poder engañoso di rikesa por stroba nos di progresá te na madures spiritual. (Mat. 13:19, 22) [10, w99-PA 15/3 pág. 22 §5]

24. “Ser bautisá p’e propósito di ser hende morto,” manera Pablo a bisa na 1 Corintionan 15:29, ta nificá ser absorbá den un curso di bida cu lo hiba na un morto di integridad manera esun di Cristo i despues na un resureccion pa bida spiritual mescos cu Cristo. [13, rs-S pág. 60 (rs-E pág. 57)]

25. Pa un cristian berdadero por tin éxito caminda Sálomon a faya, e mester pone un banda tur señal di un curason indeciso of dòbel den su adoracion i cumpli cu Jesus su palabranan di ‘stima Jehova su Dios cu henter su curason.’ (Mat. 22:37; 1 Cró. 28:9) [8, Lesamentu semanal di Bijbel; mira w86-S 1/6 pág. 19 §17-18.]

Scoge e contesta corecto den cada un dje siguiente declaracionnan:

26. E relato na 2 Reynan 17:5 i 6 ta conta con (Tiglat-­piléser; Salmanasar V; Esar-hadon) a invadí Israel su reino di dies tribu di nort i a sitia Samaria pa tres aña, te cu finalmente el a cai den man di e asirionan na (740; 607; 537) P.E.C. [2, Lesamentu semanal di Bijbel; mira w88-S 15/2 pág. 27 §1.]

27. Dor di relatá sucesonan cu a tuma lugá na Jerusalem despues cu e exilio babilónico a cuminsá, 2 Reynan capítulo 25 ta señalá indirectamente na (Daniel; Ezekiel; Jeremías) como e escritor di e buki i tambe ta indicá cu el a completá e skirbimentu rond di (580; 537; 455) P.E.C. (2 Rey. 25:27) [3, Lesamentu semanal di Bijbel; mira si-S pág. 64 §3.]

28. Manera Éxodo 4:11 ta indicá, Jehova Dios ‘ta asigná e muda, surdu, esun cu bon bista of esun ciegu’ den e sentido cu (e ta culpabel di desabilidad cu hende tin; e ta designá diferente persona pa privilegio di sirbishi; el a permití defecto físico manifestá nan mes den hende). [14, w99-PA 1/5 pág. 28 §2]

29. E periodo di 70 aña mencioná na 2 Crónicanan 36:17-23 a terminá na (537; 607; 677) P.E.C. [16, si-S pág. 84 §35]

30. E único dos celebracion di cumpleaño cu Bijbel ta mencioná directamente (ta pone nan den un lus faborabel; ta pone nan den un lus desfaborabel; no ta tira ningun lus riba celebracion di cumpleaño). (Gén. 40:20-22; Mat. 14:6-10) [17, rs-S pág. 96 (rs-E pág. 68)]

Cuadra e siguiente textonan bíblico cu e declaracionnan aki bou:

Éx. 21:22, 23; Pro. 25:11; Rom. 12:2; 2 Ped. 3:15, 16; Rev. 16:13, 14

31. Nos mester ta dispuesto pa haci esfuerso pa cambia nos pensamentu i yena nos mente cu berdad divino. [Rom. 12:2] [11, w99-PA 1/4 pág. 22 §2]

32. Ora di duna conseho, ta vital pa scoge e palabranan corecto. [Pro. 25:11] [2, w99-PA 15/1 pág. 23 §1]

33. Jehova a indicá cu un hende lo tin cu rindi cuenta pa daño hací na un yu cu no a nace ainda. [Éx. 21:22, 23] [1, rs-S (rs-E) pág. 25]

34. E influencia di Satanas e Diabel ta pushando e nacionnan na e situacion mundial cu lo resultá den guera contra Dios. [Rev. 16:13,14] [9, rs-S pág. 46 (rs-E pág. 48)]

35. Troce e Scritura p’e cuadra cu nos propio ideanan por resultá den daño permanente. [2 Ped. 3:15, 16] [16, rs-S pág. 68 (rs-E pág. 65)]