Impresionnan dje Video Bijbel—Su Poder den Bo Bida

Como contesta riba e siguiente preguntanan, expresá bo impresionnan sincero relacioná cu e mensahe cu e video aki ta duna. (1a) Kico a capacitá miyones di hende pa cambia nan bida pa mas mihó? (Heb. 4:12) (1b) Kico ta necesario pa un hende haña acceso na e poder aki i aplik’é den su bida? (2) Cua textonan bíblico a ser citá pa yuda parehanan casá (a) mehorá nan comunicacion i (b) controlá nan beis? (3) Con e punto di bista cristian di matrimonio ta drecha bida di famia? (Efe. 5:28, 29) (4) Con Jehova Dios a pone un ehempel perfecto den duna yu e tres cosnan cu nan tur kier i tin mester, i con mayornan por haci mescos awe? (Mar. 1:9-11) (5) Di con ta mayornan mes mester siña nan yunan Bijbel, i kico ta indicá cu mester hacié cu regularidad? (Deu. 6:6, 7) (6) Con mayornan por haci e studio di famia interesante? (7) Fuera di studio di Bijbel, kico mas e Palabra di Dios ta motivá mayornan pa percurá pa nan yunan? (8) Con e conseho di Bijbel por yuda famianan sobrebibí económicamente? (9) Cua principionan bíblico por yuda minimisá problemanan di salú si aplicá nan? (10) Con e principionan dje Palabra di Dios a haci un diferencia den bo propio bida? (11) Di con dor di wak e video aki un persona cu bo ta bishitá den e ministerio por ser animá pa aceptá un studio di Bijbel na cas?