Un Reakshon Entusiasmá!
1 Famianan kristian di tur parti di mundu a ekspresá nan apresio i entusiasmo pa e vidio Hóbennan Sa Puntra—Kon Mi Por Haña Berdadero Amigu? Un tata na Merka a bisa ku ora su yu hòmbernan a kaba di wak e vidio nan a keda sinta ketu-ketu; nan a biba ku e kontenido i a gust’é! Un informe di Malawi ta bisa ku e vidio a toka e rumannan hóben einan tambe personalmente pasobra nan pareunan na skol ta pone mesun tipo di preshon riba nan. Un tata na Alemania a bisa di e vidio: “Pa mi, e ta un kontesta riba mi orashonnan.” Un hobensita a bisa: “Masha danki ku boso a rekordá mi ku Yehova ta interesá den mi.” Un ansiano na Nueva Zelandia a informá: “E vidio a yuda un di nos tinernan bolbe bèk riba e kaminda ku ta hiba na bida.” Un adulto kasá a wak e vidio i a bisa: “Mi tin masha gana pa tur hóben den e bèrdat wak e vidio aki i sinti nan motivá pa realmente kere den e bèrdat!” Famianan, pakiko boso no ta bolbe wak e vidio? Ora boso kaba, kòmbersá riba e siguiente preguntanan.
2 Introdukshon: Kiko ta un berdadero amigu?—Pro. 18:24.
3 Opstákulo Ku Ta Stroba Amistat: Kiko bo por hasi si bo ta sinti ku hende ta laga bo afó? (Fil. 2:4) Dikon bo mester ta dispuesto na mehorá bo personalidat, i ken por yuda bo hasi esei? Kiko lo krea oportunidat pa bo haña mas amigu, i na unda bo por haña nan?—2 Kor. 6:13.
4 Amistat ku Dios: Kon bo por kultivá un relashon ku Yehova, i dikon esei ta bale la pena? (Sal. 34:8) Ken por yuda bo pa bo amistat ku Dios por bira mas íntimo?
5 Mal Amigu: Ken ta mal kompania? (1 Kor. 15:33) Kon mal amigu por pone un hende bai pèrdí spiritualmente? Kiko bo ta siña di e relato bíbliko di Dina?—Gén. 34:1, 2, 7, 19.
6 Un Drama Moderno: Kon soledat a afektá Tara? Kon el a purba mustra ku no tin nada malu den su amistat ku hóbennan mundano? Den ki situashon peligroso nan a hink’é? Dikon su mayornan no a ripará ku e tabata den peliger, pero ku ki aktitut nan a yud’é rekuperá den sentido spiritual? Kon un ruman muhé pionero a resultá di ta un berdadero amiga pa Tara? Dikon kristiannan mester hasi kaso di Proverbionan 13:20 i Yeremías 17:9? Ki lès importante Tara a siña?
7 Konklushon: Ki lèsnan abo a siña for di e vidio aki? Kon bo por us’é pa yuda otro hende?—Sal. 71:17.