Programa di Reunion di Sirbishi

NOTA: Nos Ministerio di Reino lo programá un Reunion di Sirbishi pa kada siman durante e siguiente lunanan. Kongregashonnan por hasi ahuste segun ta nesesario pa nan por asistí na e Kongreso di Distrito “Proklamadónan Seloso dje Reino.” Si ta apropiado, usa 15 minüt dje último Reunion di Sirbishi promé ku kongreso pa ripití konseho al kaso ku tin den e suplemento dje luna aki ku ta apliká lokalmente. Durante luna di òktober lo dediká henter un Reunion di Sirbishi na repasá e puntonan sobresaliente di e programa di kongreso. Komo preparashon pa e konsiderashon ei, nos tur por anotá puntonan importante òf interesante ku nos tende na kongreso, inkluso traha un lista di punto ku nos ta deseá di apliká personalmente den nos bida i den sirbishi di fèlt. Anto nos por splika kon nos a apliká e sugerensianan ei despues di a asistí n’e kongreso. Lo ta un animashon mutuo pa tende kon kada un di nos a benefisiá dje bon instrukshon ku nos a risibí.

Siman di 13 di Mei

Kantika 37

10 min: Anunsio lokal. Anunsio selektá for di Nos Ministerio di Reino. Usando e sugerensianan na página 8, tene dos demostrashon separá kon pa presentá E Toren di Vigilansia di 1 di mei i e Spièrta! di 8 di mei. Den kada demostrashon, mustra un otro manera pa trata ku e opheshon: “Mi ta okupá.”—Wak e foyeto chikitu Con pa Cuminsá i Continuá Consideracionnan Bíblico, página 11-12 (buki Rasonamentu, página 19-20).

15 min: “Un Interkambio Spesial di Estímulo.” Diskurso. Stimulá e deseo i apresio di tur presente pa asistí na e kongreso. Enkurashá tur hende pa nan ta presente na tur seshon, for di djabièrnè mainta te ku djadumingu atardi.

20 min: “‘Sembrando Simia di Reino’ ku un Ruta di Revista.”a Laga algun publikadó splika kon nan a kuminsá i ta mantené un ruta di revista. Kaba demostrá un presentashon di revista kaminda ta hasi areglo pa bolbe bèk ku e siguiente revistanan.

Kantika 115 i orashon di konklushon.

Siman di 20 di Mei

Kantika 13

15 min: Anunsio lokal. Informe di kuenta. Repasá e Kaha di Pregunta.

12 min: “Satisfasé Bo Nesesidat Spiritual.” Diskurso i konsiderashon ku ouditorio. Trata e motibunan pakiko nos mester paga bon tinu na e programa di kongreso. Enfatisá ku ta nesesario pa apliká loke nos ta siña en bes di djis tende so. Konsiderá e nota na banda tokante loke tin planeá pa un Reunion di Sirbishi den òktober, ora ku lo tin un repaso di e puntonan sobresaliente di e kongreso di distrito. Animá tur ruman pa hasi anotashon. Pidi un par di ruman komentá riba e benefisionan ku nan a saka di e programa di aña pasá.

18 min: “Sea Moderá den Bistimentu i Areglo Personal.”b Na enkargo di un ansiano, kende lo lesa kada paragraf despues di a trat’é. Yuda tur hende komprendé dikon ta importante pa nos ta kuidadoso tokante nos aparensia personal den públiko.

Kantika 169 i orashon di konklushon.

Siman di 27 di Mei

Kantika 208

12 min: Anunsio lokal. Kòrda tur publikadó pa entregá nan rapòrt di sirbishi di fèlt di mei. Usando e sugerensianan na página 8, laga un publikadó di edat demostrá kon pa presentá E Toren di Vigilansia di 15 di mei i e ¡Despertad! di 22 di mei. Despues di kada demostrashon, komentá riba kon fásil ta pa nos hinka un teksto bíbliko den e presentashon.

15 min: “Bo Kongregashon Ta Traha Su Teritorio Kabalmente?” Diskurso i konsiderashon ku ouditorio na enkargo di e superintendente di sirbishi. (Kongregashonnan ku tin tiki teritorio por repasá e artíkulo “Usa Bo Tempu Bon,” den Nos Ministerio di Reino di yüni 1999.) Indiká kuantu teritorio e kongregashon tin. Splika kon por apliká e sugerensianan den e artíkulo lokalmente.

18 min: “Bo Ta Usa e Foyeto Rekerí pa Kuminsá Studio?” (Tur hende mester tin nan suplemento di Nos Ministerio di Reino di yanüari 2002 huntu ku nan pa e parti aki.) Kuminsá ku un demostrashon na enkargo di un publikadó bon prepará ku ta mustra kon pa kuminsá un studio, usando e ehèmpel di paragraf 3. Despues, menshoná e puntonan sobresaliente di e foyeto, i splika kon e ta diseñá netamente pa kuminsá studio. Mustra e balor di repasá e presentashonnan sugerí den e suplemento di yanüari 2002. Puntra e ouditorio ku kua sugerensia nan tabatin éksito. Konkluí ku un ripitishon di e demostrashon anterior.

Kantika 93 i orashon di konklushon.

Siman di 3 di Yüni

Kantika 178

15 min: Anunsio lokal. Hasi areglo pa vários publikadó konta kua ta e gosonan i rekompensanan ku nan a eksperensiá dor ku nan a traha pionero ousiliar òf regular durante mart, aprel òf mei.

15 min: Kon e Buki Rasonamentu Ta Usa Otro Tradukshon di Beibel. Diskurso breve siguí pa un konsiderashon ku ouditorio. Lesa paragraf 2 na página 8 di e buki Rasonamentu, i splika pakiko i kon nos mester usa Beibel mas tantu den nos sirbishi. Hala atenshon na e lista di abreviashon ku tin na página 6, i splika dikon nos ta usa sitanan for di otro tradukshon di Beibel. Konsiderá e atvertensianan menshoná den E Toren di Vigilansia di 1 di òktober 1997, página 16, paragraf 2, i página 20, paragraf 15. Usando e temanan “Imágen,” “Suseshon Apostóliko” i “Trinidat” den e buki Rasonamentu, invitá e ouditorio pa duna ehèmpel kon dor di kompará tradukshonnan di Beibel por ta útil pa siña hende e bèrdat.

15 min: “Nos Fe Ta Motivá Nos pa Hasi Bon Obra.”c Ora trata paragraf 2, tene un entrevista kòrtiku ku un Testigu seloso. Laga e publikadó bisa kon ora e duna testimonio na otro hende esei ta demostrá ku e tin fe i alabes ta fortalesé su fe.

Kantika 56 i orashon di konklushon.

[Footnotes]