Programa di Reunion di Sirbishi

Siman di 10 di Febrüari

Kantika 4

10 min: Anunsio lokal. Anunsio selektá for di Nos Ministerio di Reino. Animá tur hende pa wak e vidio Fiel bou di Prueba​—⁠Testigunan di Yehova na Union Soviétiko komo preparashon pa e konsiderashon ku ta bai tin na e Reunion di Sirbishi di e siman di 24 di febrüari. Usando e sugerensianan na página 8, tene dos demostrashon. Un pa presentá E Toren di Vigilansia di 1 di febrüari i e otro di e Spièrta! di 8 di febrüari. Den kada demostrashon mester ofresé ámbos revista huntu, maske bo ta papia riba un so.

35 min: “Prediká i Duna Testimonio Kabal.”a Na enkargo di e superintendente di sirbishi. Animá tur ruman ku por pa traha pionero ousiliar na mart ku aprel. Pidi esnan ku a traha pionero aña pasá durante e periodo di Memorial pa komentá riba lo siguiente. Kon nan a regla nan asuntunan pa logra traha pionero? Ki esfuerso i ahuste esaki a enserá? Ki goso i bendishon nan a eksperensiá? Repasá e skemanan ku tin den e kuadro na página 4. Anunsiá ku formularionan pa pionero ousiliar lo ta disponibel despues di reunion.

Kantika 30 i orashon di konklushon.

Siman di 17 di Febrüari

Kantika 48

10 min: Anunsio lokal. Informe di kuenta. Repasá e oferta di literatura pa mart. Menshoná un òf dos sugerensia pa presentá e buki Conocimentu; usa puntonan for di e suplemento di Nos Ministerio di Reino di yanüari 2002. Enfatisá e meta pa kuminsá estudionan di Beibel na kas.

15 min: “Bo Por Pone Bo Kas Disponibel?” Diskurso na enkargo di un superintendente di studio di buki. Komentá tambe riba e kahanan di pregunta di Nos Ministerio di Reino di aprel 2001 i di febrüari 1990. Menshoná e kantidat di gruponan di studio di buki ku tin den e kongregashon i e promedio di asistensia. Laga un òf dos publikadó relatá kon nan i nan famia a benefisiá dor di tin un studio di buki na nan kas. Ken ku ta deseá di pone su kas disponibel mester laga e superintendente presidente sa esaki.

20 min: “Kiko Ta Bo Prioridat?”b Hasi areglo di antemano pa un òf dos publikadó komentá riba kon nan a logra ahustá nan sirkunstansia pa hasi mas den sirbishi.

Kantika 57 i orashon di konklushon.

Siman di 24 di Febrüari

Kantika 74

10 min: Anunsio lokal. Rekordá e publikadónan pa nan entregá nan rapòrt di sirbishi di vèlt di febrüari. Usando e sugerensianan na página 8, tene dos demostrashon. Un di E Toren di Vigilansia di 15 di febrüari i e otro di e ¡Despertad! di 22 di febrüari. Den kada un di e demostrashonnan aki, ofresé ámbos revista huntu, maske bo ta papia di un so.

10 min: “Yudansa na Ora.” Na enkargo di un ansiano. Enfatisá e echo ku e esfuerso spesial ku ta wòrdu hasí pa asistí esnan inaktivo ta reflehá Yehova su interes amoroso pa su pueblo.

25 min: “Un Vidio Ku Lo Iluminá Bo i Motivá Bo!” Kuminsá konsiderá e vidio Fiel bou di Prueba di biaha ku e ouditorio, usando e preguntanan ku a ser prepará. Parti e tempu di tal manera ku ta sobra sufisiente tempu pa vários komentario riba e último pregunta. Konkluí dor di lesa e kuadro na página 192 di e Anuario di 2002.

Kantika 56 i orashon di konklushon.

Siman di 3 di Mart

Kantika 14

10 min: Anunsio lokal. Konsiderá brevemente “Areglo Nobo pa Bibliotekanan di Salòn di Reino.” Menshoná ken lo sirbi komo bibliotekario di e Biblioteka di Salòn di Reino.

15 min: Nesesidat lokal.

20 min: “Sea ku Sano Huisio Segun Ku e Fin Ta Aserká.”c Ora di konsiderá paragraf 3-⁠4, pidi e publikadónan relatá ki metanan spiritual nan ta purba logra aktualmente. Komentá tambe riba e informashon na página 176 di e buki Adorá Dios.

Kantika 127 i orashon di konklushon.

[Footnotes]