Programa di Reunion di Sirbishi

Siman di 13 di Sèptèmber

Kantika 43

12 min: Anunsio lokal. Anunsio selektá for di Nos Ministerio di Reino. Si e sugerensianan na página 8 ta práktiko pa e teritorio di boso kongregashon, usa nan pa demostrá kon pa presentá E Toren di Vigilansia di 1 di sèptèmber i e Spièrta! di 8 di sèptèmber. Por usa otro presentashon tambe. Despues di kada presentashon, resaltá brevemente un aspekto positivo di e presentashon.

15 min: “Mantené Bo Wowo Simpel.”a Usa e preguntanan ku tin. Segun tempu permití, enfatisá e tekstonan menshoná.

18 min: Nan Ta Opservá Nos Bon Obranan. (1 Ped. 2:12) Diskurso i konsiderashon ku ouditorio basá riba E Toren di Vigilansia di 1 di novèmber 2002, página 12-14, paragraf 14-20. Invitá ouditorio pa duna komentario ku ta mustra kon lokalmente hende a ser influensiá dor di opservá nos bon obranan.

Kantika 162 i orashon di konklushon.

Siman di 20 di Sèptèmber

Kantika 88

10 min: Anunsio lokal. Repasá puntonan sobresaliente di e karta di sukursal ku ta na e promé página di e edishon aki di Nos Ministerio di Reino. Animá tur presente pa lesa Numbernan 16:1-35 i despues wak e vidio Respetá Yehova Su Outoridat komo preparashon pa e Reunion di Sirbishi di e siman di 4 di òktober.

15 min: Kiko Nos A Logra Aña Pasá? Diskurso na enkargo di un ansiano, basá riba e rapòrt di sirbishi di e kongregashon pa aña di sirbishi 2004. Konsentrá riba e aspektonan positivo di e rapòrt, i elogiá e kongregashon pa e kosnan bon ku nan a logra. Resaltá e trabou duru di e pioneronan. Menshoná un òf dos área ku lo ta bon pa e kongregashon presta atenshon na dje durante e aña binidero.

20 min: Perseverá den Bon Obra. (Gal. 6:10) Entrevistá dos òf tres ruman ku sea ta pionero regular òf sa traha pionero ousiliar de bes en kuando. Ki opstákulonan nan a konfrontá den nan sirbishi na Yehova, i kon nan a vense nan? Kiko a yuda nan perseverá den hasi bon na otro hende? Kon nan esfuersonan den e ministerio kristian a benefisiá nan mes i otro hende? Si ta aplikabel na boso kongregashon, inkluí komentarionan tokante loke boso a hasi lokalmente pa alkansá hende di otro idioma ku e bon nobo. Elogiá tur presente pa ‘nan obra di fe i nan trabou di amor i nan firmesa.’—1 Tes. 1:2, 3.

Kantika 103 i orashon di konklushon.

Siman di 27 di Sèptèmber

Kantika 221

15 min: Anunsio lokal. Informe di kuenta. Kòrda e publikadónan pa entregá nan rapòrt pa sirbishi di vèlt di sèptèmber. Demostrá kon pa ofresé E Toren di Vigilansia di 15 di sèptèmber i e ¡Despertad! di 22 di sèptèmber.

10 min: E Palabra di Yehova Ta Bibu. Diskurso. Pa yuda nos benefisiá mas plenamente di e programa semanal di lesamentu di Beibel pa e Skol di Ministerio Teokrátiko, a kuminsá publiká un seri di artíkulo titulá “E Palabra di Yehova Ta Bibu,” den sierto edishonnan di E Toren di Vigilansia. Usa E Toren di Vigilansia di 15 di yanüari 2004, página 24-7, i indiká e rasgonan di e artíkulonan aki. Despues di un resúmen general, e sekshon “Kontesta Riba Pregunta Bíbliko” ta duna splikashon di algun pasashi di Beibel ku ta difísil. E komentarionan bou dje suptema “Lès pa Nos” ta hala atenshon na e balor práktiko di e informashon ku nos a lesa. Konsiderá algun ehèmpel spesífiko pa mustra kon e seri aki lo yuda nos haña mas komprondementu di e Palabra di Dios. Animá tur presente pa hasi pleno uso di e provishon aki ora nos kuminsá lesa e buki di Deuteronomio otro siman.

20 min: “Hasi Bon Uso di Beibel.”b Usa e preguntanan ku tin. Basa e komentarionan di introdukshon riba e buki Skol di Ministerio, página 145, paragraf 2 i 3. Tene dos demostrashon breve, unu na un bishita inisial i e otro na un rebishita, den kua e publikadónan ta mustra kon pa apliká e sugerensianan duná.

Kantika 38 i orashon di konklushon.

Siman di 4 di Òktober

Kantika 5

5 min: Anunsio lokal.

15 min: Nesesidat lokal.

25 min: “Nos Tin Ku Respetá Yehova Su Outoridat.” Lesa Hudas 11, i duna un introdukshon ku no ta dura mas ku 2 minüt. Kaba kuminsá mesora ku e konsiderashon ku ouditorio usando tur e preguntanan den e artíkulo. Enfatisá e punto ku pa nos keda ku Yehova su aprobashon, nos tin ku evitá e aktitut rebelde di Koré i imitá e ehèmpel di su yu hòmbernan ku a pone nan lealtat na Yehova riba tur otro kos.

Kantika 99 i orashon di konklushon.

[Footnotes]