Programa di Reunion di Sirbishi

Siman di 8 di Novèmber

Kantika 180

10 min: Anunsio lokal. Anunsio selektá for di Nos Ministerio di Reino. E kampaña spesial pa distribuí e foyeto Keda Vigilá! lo terminá dia 14 di novèmber. E sobrá dianan di novèmber, nos lo ofresé e buki Siña for di e Gran Maestro. Repasá brevemente e presentashonnan sugerí den nos Ministerio di Reino di mei 2004, página 3.

15 min: Benefisiá Plenamente di e Reunion di Sirbishi. Konsiderashon ku ouditorio basá riba e buki Nos Ministerio, página 71-2. Kua ta sinku manera ku e Reunion di Sirbishi ta yuda nos mehorá nos abilidatnan komo ministernan kristian? Menshoná ehèmpelnan for di e programa di e luna aki. Ki benefisio nos ta saka dor di prepará di antemano? Dikon nos mester asistí regularmente? Ki ehèmpelnan bíbliko di e reunion aki nos ta haña den Beibel?

20 min: “Mantené un Sentido di Urgensia!”a Inkluí komentario for di E Toren di Vigilansia di 15 di yanüari 2000, página 12-13.

Kantika 19 i orashon di konklushon.

Siman di 15 di Novèmber

Kantika 170

10 min: Anunsio lokal. Si e sugerensianan na página 8 ta práktiko pa boso teritorio, usa nan pa demostrá kon pa presentá E Toren di Vigilansia di 1 di novèmber i e Spièrta! di 8 di novèmber. Por usa otro presentashon realístiko tambe.

15 min: Bo Konosé e Felisidat Ku Ta Bin di Duna? Diskurso basá riba E Toren di Vigilansia di 1 di novèmber 2004, página 19-23.

20 min: Usa e Foyeto Nobo pa Kultivá Interes. Diskurso i konsiderashon ku ouditorio na enkargo di e superintendente di sirbishi. Nos mester bai bèk serka tur persona ku a aseptá un ehemplar di e foyeto Keda Vigilá! pa kultivá nan interes. Usa e tabla di kontenido na página 2 pa duna brevemente un bista general di e foyeto dor di hala atenshon na e diferente sekshonnan spesial ku e foyeto tin (nan ta skirbí ku lèter normal bou di e temanan skirbí ku lèter diki). Por usa e informashon di e sekshonnan spesial aki pa hiba kòmbersashonnan kòrtiku i instruktivo durante e vários rebishitanan ku nos ta sigui hasi serka e persona. Por ehèmpel, si bo a usa página 3-4 na e promé bishita, bo por usa e sekshon spesial na página 5, “Dios Ta Realmente Interesá den Nos?,” pa hasi un rebishita. Splika kon por hasi esei. Repasá otro sekshonnan spesial manera esnan na página 6-8 i 17-18, òf otronan ku ta pas pa boso teritorio. Tene demostrashon di un rebishita, usando un di e sekshonnan spesial aki. Mester lesa i konsiderá un òf mas di e tekstonan bíbliko menshoná. E publikadó ta konkluí dor di hala atenshon na un otro sekshon spesial ku lo e por trata na e siguiente bishita.

Kantika 66 i orashon di konklushon.

Siman di 22 di Novèmber

Kantika 199

10 min: Anunsio lokal. Informe di kuenta.

15 min: Nesesidat lokal.

20 min: Kuminsá Studio di Beibel ku Hende Ku A Aseptá e Foyeto Nobo. Diskurso i konsiderashon ku ouditorio na enkargo di superintendente di sirbishi. Repasá brevemente e rebishita ku e publikadó a demostrá durante e Reunion di Sirbishi di siman pasá, i menshoná spesialmente e sekshon ku lèter diki ku el a menshoná na final di e bishita. Si ta posibel, laga e mesun publikadónan usa e informashon pa demostrá e siguiente rebishita. Anto e publikadó ta usa e kaft patras di e foyeto pa ofresé e persona un studio di Beibel, i e ta hasi areglo pa konsiderá lès 1 den e foyeto Rekerí durante e siguiente bishita. Animá tur publikadó pa konsentrá riba kuminsá studio di Beibel ku e personanan ku a aseptá un ehemplar di e foyeto Keda Vigilá!

Kantika 58 i orashon di konklushon.

Siman di 29 di Novèmber

Kantika 23

10 min: Anunsio lokal. Kòrda tur publikadó pa entregá nan rapòrt di sirbishi di novèmber. Demostrá kon pa presentá E Toren di Vigilansia di 15 di novèmber i e ¡Despertad! di 22 di novèmber.

10 min: Kaha di Pregunta. Diskurso na enkargo di un ansiano.

25 min: “Kon pa Kondusí Studio di Beibel Progresivo—Parti 3.”b Usa e preguntanan ku tin. Despues di konsiderá paragraf 3, inkluí un demostrashon breve di un studio di Beibel den e foyeto Rekerí, lès 5, paragraf 1. Ya kaba nan a lesa e paragraf i kontestá e pregunta. E ruman ku ta dirigí e studio huntu ku e studiante ta lesa i konsiderá Isaias 45:18 i Eklesiastés 1:4. E ruman ta usa preguntanan simpel pa animá e studiante pa spliká kon kada un di e tekstonan ta apliká na e tópiko ku ta ser konsiderá.

Kantika 178 i orashon di konklushon.

Siman di 6 di Desèmber

Kantika 96

10 min: Anunsio lokal. Menshoná e oferta di literatura pa desèmber. Tene un òf dos demostrashon ku nos lo por usa pa ofresé e buki E homber mas importante.

20 min: “Bo Por Duna un Man?”c Entrevistá un òf dos publikadó ku a apresiá e yudansa òf animashon ku nan a risibí di otronan.

15 min: Eksperensianan lokal. Invitá esnan presente pa relatá eksperensianan ku nan tabatin ora di rebishitá esnan ku a aseptá e foyeto Keda Vigilá! Hasi areglo di antemano pa demostrá eksperensianan sobresaliente. Elogiá tur publikadó p’e manera ku nan a apoyá e kampaña spesial.

Kantika 101 i orashon di konklushon.

[Footnotes]