Programa di Reunion di Sirbishi

Siman di 14 di Febrüari

Kantika 174

10 min: Anunsio lokal. Anunsio selektá for di Nos Ministerio di Reino. Si e sugerensianan na página 8 ta práktiko pa e teritorio di boso kongregashon, tene dos demostrashon ku ta mustra kon pa presentá E Toren di Vigilansia di 1 di febrüari i e Spièrta! di 8 di febrüari. Repasá brevemente kon por adaptá e presentashonnan sugerí na e nesesidatnan di boso teritorio.—Wak Nos Ministerio di Reino di yanüari 2005, página 8.

35 min: “Temporada di Memorial—Un Tempu pa Mas Aktividat.”a Na enkargo di e superintendente di sirbishi. Ora ta trata paragraf 6 inkluí komentarionan for di e Spièrta! di 8 di sèptèmber 2004, página 24-25. Anunsiá nòmber di e rumannan ku a inskribí pa traha komo pionero ousiliar. Menshoná e dia i ora di e reunionnan pa sirbishi èkstra ku a ser programá. Animá tur presente pa di un manera òf otro oumentá nan aktividat spiritual durante e temporada aki di Memorial.

Kantika 14 i orashon di konklushon.

Siman di 21 di Febrüari

Kantika 31

10 min: Anunsio lokal. Repasá e puntonan prinsipal den e kuadro na página 6, “Yuda Nan Haña un Testimonio Mas Kabal.” Animá tur publikadó pa yena e formulario Por Fabor Atendé (S-43-PA) asina ku e nesesidat presentá.

20 min: “Duna Gradisimentu na Yehova pa Su Bondat Amoroso.”b Anunsiá e ora i sitio kaminda lo tene e Memorial i nòmber di e oradó i kualke otro informashon relevante. Ora ta trata paragraf 4, inkluí un demostrashon breve den kua un publikadó ta invitá un persona riba su ruta di revista pa asistí na Memorial. Si no a parti e invitashonnan imprimí di Memorial ainda, mester hasi esei despues di reunion.

15 min: “Kon pa Kondusí Estudio di Beibel Progresivo—Parti 6.”c Inkluí un demostrashon di 4 minüt den kua un studiante ta puntra dikon tin asina poko hende na Memorial ku ta tuma for di e pan ku e biña. E ruman ku ta studia kuné ta elogi’é pa su pregunta, e ta skirbié i ta sugerí pa nan konsider’é despues ku nan kaba di studia e informashon pa e siman ei. Ora nan kaba di studia, e konduktor ta dirigí e studiante su atenshon na e informashon den e buki Rasonamentu na spañó na página 84-5, bou di e pregunta “Ken ta partisipá di e pan i biña?” Nan ta les’é huntu i e studiante ta ekspresá su apresio pa e kontesta kla ku el a risibí pa su pregunta.

Kantika 21 i orashon di konklushon.

Siman di 28 di Febrüari

Kantika 42

15 min: Anunsio lokal. Informe di kuenta. Kòrda e publikadónan pa entrega nan rapòrt di sirbishi di vèlt di febrüari. Si e sugerensianan na página 8 ta práktiko pa e teritorio di boso kongregashon, tene dos demostrashon ku ta mustra kon pa presentá E Toren di Vigilansia di 15 di febrüari i e ¡Despertad! di 22 di febrüari. Por usa otro presentashonnan realístiko tambe.

20 min: Mustra Interes den Esnan Débil. (Echo. 20:35) Despues di un introdukshon di ménos ku un minüt, sigui ku un konsiderashon mediante pregunta i kontesta for di e Toren di Vigilansia di 1 di yüli 2004, página 17-18, paragrafnan 12-16, meskos ku e ta ser hasí durante e Estudio di Toren di Vigilansia. Laga un ruman hòmber ku ta lesa bon, lesa e paragrafnan. Enfoká riba kon e informashon por ser apliká en konekshon ku e binidero Memorial i diskurso spesial.

10 min: Ofresé Keda Vigilá! Konsiderashon i demostrashon di presentashonnan ku nos por usa pa ofresé e foyeto durante e luna di mart. Por usa e presentashonnan sugerí den Nos Ministerio di Reino di yanüari 2005 òf otro presentashonnan ku ta efektivo den boso teritorio.

Kantika 72 i orashon di konklushon.

Siman di 7 di Mart

Kantika 12

10 min: Anunsio lokal. Repasá e puntonan prinsipal for di e kuadro “Rekordatorionan pa Memorial.”

15 min: Nesesidat lokal.

20 min: “Usa e Revistanan den Bo Ministerio.”d Ora ta trata paragraf 3 i 4, adaptá e informashon na boso situashon. Entrevistá brevemente ún òf 2 publikadó ku ta bon den laga revista den teritorio di negoshi, den trabou riba kaya, na lugánan públiko òf ora nan ta duna testimonio informal. Laga nan splika kon nan ta ofresé revista den e sirkunstansianan aki. Tene un demostrashon kòrtiku òf demostrá un eksperensia real.

[Footnotes]

Kantika 192 i orashon di konklushon.