Programa di Reunion di Sirbishi

Siman di 11 di Yüli

Kantika 49

10 min: Anunsio lokal. Anunsio selektá for di Nos Ministerio di Reino. Tene dos demostrashon basá riba e sugerensianan na página 4, ku ta mustra kon pa presentá E Toren di Vigilansia di 1 di yüli i e ¡Despertad! di 8 di yüli. Si nan no ta práktiko pa e teritorio di boso kongregashon, por usa otro presentashonnan realístiko. Den kada presentashon demostrá un manera diferente pa trata ku e ekspreshon ku por para kòmbersashon “Mi ta okupá.”​—⁠Wak buki Rasonamentu na spañó, página 19-20 (òf e foyeto chikí Con pa Cuminsá i Continuá Consideracionnan Bíblico, página 11-12).

15 min: Nesesidat lokal.

20 min: “Alkansá Mas Tantu Hende Posibel.”a Ora ta trata paragraf 5, repasá e sugerensianan den Nos Ministerio di Reino di yüni 2005, página 8, ku ta aplikabel den boso teritorio.

Kantika 88 i orashon di konklushon.

Siman di 18 di Yüli

Kantika 173

10 min: Anunsio lokal. Konsiderá brevemente E Toren di Vigilansia di 15 di ougùstùs 2000, página 32. Enfatisá e benefisionan di mantené un programa regular di lesamentu di Beibel tur dia, asta durante fakansi i otro temporadanan ku nos a sali for di nos rutina normal.

15 min: “Kon pa Kondusí Estudio di Beibel Progresivo​—⁠Parti 11.”b Inkluí un demostrashon den kua e ruman ku ta kondusí e estudio i un publikadó nobo ta prepará pa hasi un rebishita. Nan ta repasá e promé kòmbersashon i ta selektá un punto apropiá pa papia riba dje na e rebishita. Tambe nan ta prepará un introdukshon simpel i un pregunta ku nan por hasi na final di e bishita. E demostrashon ta kaba nèt ora nan ta bai train e presentashon ku nan a prepará.

20 min: Yuda Otro Hende Komprondé Beibel i Respet’é. Konsiderashon mediante pregunta i kontesta basá riba e buki Adorá Dios, página 24-5, §3-6. Usa e preguntanan ku tin den e buki. Menshoná tambe puntonan for di página 32 di e foyeto Un Buki pa Tur Hende.

Kantika 10 i orashon di konklushon.

Siman di 25 di Yüli

Kantika 138

15 min: Anunsio lokal. Lesa informe di kuenta i e konfirmashon ku sukursal a risibí donashonnan. Tene dos demostrashon basá riba e sugerensianan na página 4, ku ta mustra kon pa presentá E Toren di Vigilansia di 15 di yüli i e ¡Despertad! di 22 di yüli. Si nan no ta práktiko pa e teritorio di boso kongregashon, por usa otro presentashonnan realístiko. Demostrá den un dje presentashonnan kon pa ofresé e revistanan informalmente den un plasa òf un otro marko di sirkunstansia apropiá.

10 min: Inkulká e Bèrdat den Kurason di Bo Yu. (Deu. 6:⁠7) Diskurso na enkargo di un ansiano, basá riba E Toren di Vigilansia di 15 di ougùstùs 2002, página 30-1. Resaltá prinsipionan bíbliko ku ta duna guia enkuanto kriamentu di yu na mayornan ku no tin un kasá Testigu.

20 min: “Un Debe Ku Nos Tin pa ku Otro Hende.”c Inkluí komentarionan basá riba e informashon den E Toren di Vigilansia di 1 di yüli 2000, página 11, §13.

Kantika 82 i orashon di konklushon.

Siman di 1 di Ougùstùs

Kantika 187

15 min: Anunsio lokal. Kòrda e publikadónan pa entregá nan rapòrt di sirbishi di vèlt di yüli. Invitá esnan presente pa habri nan buki Skol di Ministerio na página 70. I konsiderá ku nan paragraf 1 i 2, i e kuadro “Kon pa Komentá na Reunion.”

15 min: “Yuda Bo Yunan Progresá den e Ministerio.” Diskurso i konsiderashon ku esnan presente. Inkluí un demostrashon di un mayor i un yu ku ta usa un presentashon simplifiká. Laga e mayor konkluí e presentashon dor di spliká e areglo di donashon brevemente.

15 min: Bo A Purba un Introdukshon Fleksibel? Diskurso i konsiderashon ku esnan presente basá riba Nos Ministerio di Reino di yanüari 2005, página 6. Repasá e sugerensianan ku tin, i mustra kon por usa un introdukshon fleksibel pa presentá e oferta di literatura pa ougùstùs. Tene un òf dos demostrashon.

Kantika 218 i orashon di konklushon.

[Footnotes]