Programa di Reunion di Sirbishi
Siman di 12 di Sèptèmber
Kantika 29
10 min: Anunsio lokal. Anunsio selektá for di Nos Ministerio di Reino. Tene dos demostrashon basá riba e sugerensianan na página 8 (si nan ta pas pa boso teritorio), ku ta mustra kon pa presentá E Toren di Vigilansia di 1 di sèptèmber i e ¡Despertad! di 8 di sèptèmber. Por usa tambe otro presentashonnan realístiko. Laga un ansiano hasi un di e presentashonnan i un hóben e otro. Despues di kada demostrashon, hala atenshon na algun bon aspekto di e presentashon.
20 min: “Usa Bo Tempu na un Manera Sabí.”a Invitá esnan presente pa komentá kon nan ta programá tempu tur dia pa lesa Beibel. Animá famianan i personanan individual pa usa e suplemento di Nos Ministerio di Reino di mei 2005 pa programá aktividatnan spiritual.
15 min: “Kon pa Kondusí Estudio di Beibel Progresivo.”b Konsiderashon ku esnan presente basá riba parti 1 ku 2 di e suplemento. Por konsultá tambe Nos Ministerio di Reino di ougùstùs 2004, página 1. Dikon ta importante pa bo prepará bon kada biaha ku bo ta bai kondusí un estudio di Beibel? Kiko esaki ta enserá? Invitá esnan presente pa konta kon nan a apliká e sugerensianan. Na konklushon, komentá riba e kuadro ku tin parti ariba di e promé página di e suplemento.
Kantika 110 i orashon di konklushon.
Siman di 19 di Sèptèmber
Kantika 168
10 min: Anunsio lokal. Repasá puntonan sobresaliente di e karta di sukursal ku ta na promé página di e edishon aki di Nos Ministerio di Reino.
20 min: Kiko Nos A Logra Aña Pasá? Superintendente di sirbishi ta repasá e aña di sirbishi 2005, konsentrando riba e kosnan bon ku a ser lográ den sirbishi. Duna e elogio apropiá. Menshoná ún òf dos área ku tin mester di atenshon durante e aña binidero. Komentá riba e aktividat di e pioneronan, i elogiá nan pa nan bon trabou. Relatá e bon resultadonan di e esfuerso pa yuda publikadónan inaktivo.
15 min: “Sigui Edifiká Otro.”c Invitá esnan presente pa komentá kon nan a benefisiá di e amoroso interes di otro rumannan.
Kantika 199 i orashon di konklushon.
Siman di 26 di Sèptèmber
Kantika 122
10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Kòrda e publikadónan pa entregá nan rapòrt di sirbishi di vèlt di sèptèmber.
15 min: Nesesidat lokal.
20 min: Hasi e Bon Nobo Konosí ku Revista. Durante òktober nos lo ofresé E Toren di Vigilansia i ¡Spièrta! Den introdukshon di e parti, trata e siguiente sugerensianan for di Nos Ministerio di Reino di febrüari 2005, página 8, paragraf 3-6: (1) Ofresé e revistanan huntu. (2) Programá un dia pa siman pa partisipá den e trabou di revista. (3) Pone un meta personal di kuantu revista nos ke laga pa luna. (4) Probechá di tur oportunidat apropiá pa ofresé revista. (5) Hasi bon uso di edishonnan mas bieu. Hasi aplikashon lokal di e sugerensianan aki. Kaba tene un demostrashon ku ta mustra kon pa presentá E Toren di Vigilansia di 15 di sèptèmber i e ¡Despertad! di 22 di sèptèmber, basá riba e sugerensianan na página 8 di Nos Ministerio di Reino di e luna aki (si nan ta pas pa boso teritorio). Por usa tambe otro presentashonnan realístiko. Ademas, hala atenshon na artíkulonan sekundario ku lo por interesá hende den boso teritorio, i demostrá un presentashon basá riba un di e artíkulonan ei. Despues di kada demostrashon, hala atenshon na algun bon aspekto di e presentashon.
Kantika 3 i orashon di konklushon.
Siman di 3 di Òktober
Kantika 54
5 min: Anunsio lokal.
20 min: “Yuda Otro Hende Bira ‘Obedesidu di Kurason.’”d Segun tempu permití, invitá esnan presente pa komentá riba e tekstonan bíbliko menshoná den e artíkulo.
20 min: Hasi Yehova Su Kurason Kontentu. (Pro. 27:11) Entrevistá dos òf tres sirbidó fiel di Yehova di hopi tempu. Pidi kada un di nan pa konta ún òf dos kos ku a yuda nan keda obedesidu na Yehova. Entre e kosnan ku por ser menshoná ta estudio di Beibel personal diligente, asistensia regular na reunion, asosiashon ku rumannan leal, partisipashon di henter alma den sirbishi di vèlt, orashon sinsero i evitá entretenimentu insaludabel. Ki pruebanan nan a konfrontá ku a tèst nan obedensia, i kon nan a trata ku e pruebanan aki ku éksito? Ki bendishon nan a haña dor ku nan tabata obedesidu?
Kantika 170 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.