Programa di Reunion di Sirbishi

Siman di 8 di Yanüari

Kantika 12

10 min: Anunsio lokal. Animá tur hende pa wak e vidio Sin Sanger—Medisina Ta Aseptá e Reto, komo preparashon pa e konsiderashon ku lo tin den e Reunion di Sirbishi di e siman di 22 di yanüari. Usa e promé dos sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di yanüari i e ¡Despertad! di yanüari. Den un di e demostrashonnan, mustra kon pa trata ku e ekspreshon ku lo por para kòmbersashon “Mi ta okupá.”—Wak e buki Rasonamentu na spañó, pág. 19-20 (òf e foyeto chikí Con pa Cuminsá i Continuá Consideracionnan Bíblico, pág. 11-12).

15 min: Benefisiá for di Eksaminando e Skritura Diariamente. Diskurso i konsiderashon ku e presentenan basá riba e prólogo di Eksaminando e Skritura Diariamente—2007. Mustra dikon ta nesesario pa tur hende tuma un par di minüt tur dia pa konsiderá e teksto di dia i su komentario. Hasi areglo di antemano pa un òf dos publikadó splika ki rutina nan tin pa konsiderá e teksto di dia i kon nan a benefisiá. Konkluí ku un konsiderashon breve di e teksto di aña 2007.

20 min: Alkansá Tur Hende ku e Bon Nobo. Diskurso i konsiderashon ku e presentenan basá riba e buki Organisá pa Hasi Yehova Su Boluntat, página 92 te na e suptema na página 102.

Kantika 165 i orashon di konklushon.

Siman di 15 di Yanüari

Kantika 93

10 min: Anunsio lokal. Anunsio selektá for di Nos Ministerio di Reino.

15 min: Tin Algu Ku Ta Tene Bo Atras? Diskurso na enkargo di un ansiano basá riba E Toren di Vigilansia di 1 di aprel 2002, página 13-15.

20 min: “Mi No Ta Interesá.”a Ora di konsiderá paragraf 4, puntra e presentenan kiko ta e asuntunan ku ta preokupá òf interesá e hendenan den e teritorio lokal. Tene dos demostrashon kòrtiku ku ta mustra kon pa trata ku e ekspreshon ku lo por para kòmbersashon “Mi no ta interesá.”—Wak e buki Rasonamentu, pág. 16 (òf e foyeto chikí Con pa Cuminsá i Continuá Consideracionnan Bíblico, pág. 8-9).

Kantika 135 i orashon di konklushon.

Siman di 22 di Yanüari

Kantika 224

10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Usa e último dos sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di yanüari i e ¡Despertad! di yanüari. Den un di e presentashonnan, mustra kon un publikadó ta hasi un rebishita na un persona di su ruta di revista.

10 min: Nesesidat lokal.

25 min: “Kua Ta e Kuido Médiko di Mihó Kalidat?” Na enkargo di un ansiano. Kuminsá konsiderá mesora e vidio Sin Sanger ku e presentenan hasiendo uso di e preguntanan duná den e artíkulo. Na konklushon, lesa e último paragraf i animá tur presente pa repasá kuidadosamente e artíkulonan di Toren di Vigilansia menshoná den e paragraf.

Kantika 188 i orashon di konklushon.

Siman di 29 di Yanüari

Kantika 55

10 min: Anunsio lokal. Kòrda e publikadónan pa entregá nan rapòrt di sirbishi di vèlt di yanüari. Menshoná e oferta di literatura pa febrüari, i demostrá kon por present’é.

20 min: “Bo Ta Prepará pa un Desaster Natural?”b Na enkargo di un ansiano. Inkluí komentario for di Nos Ministerio di Reino di novèmber 2005, página 3.

15 min: Si Bo A Primintí di Bolbe, Bolbe. Diskurso i konsiderashon ku e presentenan basá riba E Toren di Vigilansia di 15 di sèptèmber 1999, página 11. Invitá e publikadónan pa konta eksperensianan ku ta mustra ku nan a ser bendishoná pasobra nan a bolbe manera nan a primintí.

Kantika 137 i orashon di konklushon.

Siman di 5 di Febrüari

Kantika 3

10 min: Anunsio lokal.

15 min: Esaki Mi Ta! Diskurso i konsiderashon ku e presentenan. Tin algun hóben ku no ta gusta identifiká nan mes komo Testigu di Yehova pasobra nan ta pensa ku nan pareunan lo hasi bofon di nan. Sin embargo, tin bon motibu pa laga hende sa esei. Tin mas chèns ku maestronan ku konosé bo kreensianan lo respetá nan i lo no insistí pa bo partisipá den algu ku no ta apropiá. Hóbennan sin prinsipio moral lo no invitá bo fásilmente pa partisipá huntu ku nan den mal kondukta. Otro hóbennan lo komprondé mas lihé bo desishonnan relashoná ku asuntunan manera salimentu ku hende di e sekso opuesto òf partisipashon den deporte eskolar i otro aktividatnan pafó di ora di skol. Lo bo sinti bo tambe ménos nervioso pa duna testimonio na skol òf pa topa un kompañero di skol ora bo ta prediká den teritorio. (g02-PA 8/4 pág. 26 [g02-S 22/3 pág. 12]). Invitá publikadónan pa splika ki benefisio nan a saka dor ku nan a identifiká nan mes komo un Testigu di Yehova na skol. Por prepará un òf dos komentario di antemano.

20 min: “Amor Ta e Yabi pa un Ministerio Fruktífero.”c Inkluí komentario for di E Toren di Vigilansia di 1 di febrüari 2003, página 23, paragraf 16-17.

Kantika 83 i orashon di konklushon.

[Footnotes]