Kiko Nos Por Bisa di e Revistanan

E Toren di Vigilansia 1 di Yüli

“Bo a yega di puntra bo mes dikon hende ta ser maltratá debí ku nan ta di un rasa òf nashonalidat diferente, òf pasobra nan ta papia un otro idioma? [Permití e persona kontestá.] Wak e motibu ku Beibel ta duna aki. [Lesa 1 Juan 4:20.] E revista aki ta kontestá e pregunta: Gruponan étniko por biba na armonia ku otro?”

¡Despertad! Yüli

“Distinto di bestia ku ta aktua riba instinto, hende tin e abilidat di skohe e normanan ku nan ke sigui den bida. Unda bo ta kere nos por akudí pa haña guia konfiabel? [Permití e persona kontestá. Kaba lesa Salmo 119:105.] E revista aki ta splika dikon guia ku Beibel ta duna ta superior.”

E Toren di Vigilansia 15 di Yüli

“Morto di sernan kerí por kousa hopi tristesa. Bo ta kere ku tin un parti di e hende ku ta sigui biba ora ku e muri? [Permití e persona kontestá.] Hesus a duna e promesa konsolador aki. [Lesa Juan 5:28 i 29.] Siendo ku Hesus a bisa ku resurekshon lo “yega,” e revista aki ta splika a base di Beibel unda e mortonan ta aworakí.”

¡Despertad! Yüli

“Hopi hende ta hiba nan bida mas mihó posibel i ta haña ku ta importante pa nan ta un bon hende. Ta asina bo tambe ta mira e asuntu? [Permití e persona kontestá.] Wak kiko ta e peliger ora nos opinion di loke ta bon no ta kuadra ku esun di Dios. [Lesa Proverbionan 14:12.] E artíkulo aki ta splika kiko ta un bon hende for di e punto di bista di Dios.” Hala atenshon na e artíkulo ku ta kuminsá na página 20.