Kiko Nos Por Bisa di e Revistanan

E Toren di Vigilansia 1 di Òkt.

“Bo a yega di bisa bo mes: ‘Mihó mi no a tuma e desishon ei’? [Permití e persona kontestá.] Wak dikon, segun e teksto aki, nos tur sa tuma desishonnan ku nos ta lamentá despues. [Lesa Jeremias 10:⁠23.] E revista aki ta splika kon konseho práktiko for di Beibel ta yuda nos tuma desishonnan korekto.”

¡Despertad! Òkt.

“Bo ta kere ku awendia muchanan ta kore mas peliger ku ántes? [Permití e persona kontestá.] Hopi hende ta pensa ku nos ta bibando den e tempu ku Beibel ta deskribí akinan. [Lesa 2 Timoteo 3:​1-⁠5.] E revista aki ta duna algun sugerensia práktiko pa yuda mayornan protehá nan yunan kontra personanan ku ta buska mucha pa abusá di dje seksualmente.”

E Toren di Vigilansia 15 di Òkt.

“Hopi hende ta haña ku nos futuro ta asina insigur ku ta mihó nos biba pa awe so. Kiko abo ta pensa? [Permití e persona kontestá.] Hesus a hasi e remarke interesante aki. [Lesa Mateo 6:⁠34.] E revista aki ta splika kon nos por plania pa futuro i tòg na mesun tempu, evitá di preokupá demasiado tokante futuro.”

¡Despertad! Nov.

“Den pasado hopi bes hende tabata buska guia den Beibel. Pero awendia hopi hende ta bisa ku nan tin nan dudanan. Kiko abo ta pensa di Beibel? [Permití e persona kontestá. Kaba lesa 2 Timoteo 3:⁠16.] Esaki ta un edishon spesial di ¡Despertad! ku ta duna prueba konvinsente ku Beibel ta inspirá pa Dios.”