Programa di Reunion di Sirbishi

Siman di 12 di Novèmber

Kantika 59

10 min: Anunsio lokal. Usa e sugerensianan na página 4 òf otro presentashonnan apropiá pa boso teritorio pa demostrá kon pa ofresé E Toren di Vigilansia di 1 di novèmber i e ¡Despertad! di novèmber. Den kada presentashon mester ofresé ámbos revista, maske e publikadó ta papia riba un so.

15 min: “E Plata Ta di Mi, i e Oro Ta di Mi.” Diskurso na enkargo di un ansiano, basá riba La Atalaya di 1 di novèmber 2007, página 17-21.

20 min: “Kana Manera Hende Sabí.”a Segun ku tempu ta permití, invitá e presentenan pa komentá riba e tekstonan ku ta ser menshoná.

Kantika 192

Siman di 19 di Novèmber

Kantika 109

10 min: Anunsio lokal. Menshoná e oferta di literatura pa desèmber, i demostrá kon pa present’é.

15 min: Nesesidat lokal.

20 min: “No Laga di Hasié!”b Ora ta trata paragraf 5, inkluí komentario di publikadónan ku a studia ku personanan ku despues a bini den e bèrdat. Kiko ta e rekompensanan i goso ku kondusí un estudio di Beibel progresivo ta trese kuné? Por hasi areglo di antemano pa ún òf dos komentario.

Kantika 96

Siman di 26 di Novèmber

Kantika 172

10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Kòrda e publikadónan pa entregá nan rapòrt di sirbishi di vèlt di novèmber. Usa e sugerensianan na página 4 òf otro presentashonnan apropiá pa boso teritorio pa demostrá kon pa ofresé La Atalaya di 15 di novèmber i e ¡Despertad! di novèmber.

15 min: Bo Por Mustra Mas Amor? Diskurso na enkargo di un ansiano, basá riba E Toren di Vigilansia di 1 di yanüari 2007, página 9-11.

20 min: Hóbennan—Kon Boso Por Alabá Yehova? Konsiderashon di E Toren di Vigilansia di 15 di yüni 2005, página 26-8, paragraf 15-19. Usa e preguntanan ku tin. Ora ta trata paragraf 18, invitá e hóbennan presente pa konta kon nan a duna testimonio na koleganan di skol òf na maestronan.

Kantika 5

Siman di 3 di Desèmber

Kantika 77

15 min: Anunsio lokal. Anunsionan selektá for di Nos Ministerio di Reino. Repasá Kaha di Pregunta.

15 min: Graduadonan di un Skol Ku Ta Benefisiá Hende Rònt Mundu. Diskurso basá riba E Toren di Vigilansia di 15 di novèmber 2006, página 10-13. Inkluí un entrevista breve ku kualke ansiano òf sirbidó ministerial den e kongregashon ku a asistí na e Skol di Entrenamentu Ministerial. Kon e skol a yuda nan progresá komo predikadó, wardadó i maestro? Animá ruman hòmbernan ku ta kualifiká, pa pensa riba e posibilidat di pone e Skol di Entrenamentu Ministerial komo nan meta.

15 min: “Nos Ta Kompartí Nos Speransa di Reino.”c Segun tempu ta permití, invitá e presentenan pa komentá riba e tekstonan menshoná.

Kantika 173

[Footnotes]