Programa di Reunion di Sirbishi
Siman di 10 di Desèmber
Kantika 46
10 min: Anunsio lokal. Usa e sugerensianan na página 8 òf otro presentashonnan apropiá pa boso teritorio pa demostrá kon pa ofresé E Toren di Vigilansia di 1 di desèmber i e ¡Despertad! di desèmber.
20 min: Skol di Ministerio Teokrátiko pa 2008. Diskurso na enkargo di e superintendente di skol. Konsiderá puntonan for di e suplemento di Nos Ministerio di Reino di òktober 2007 ku mester ser enfatisá den e kongregashon lokal. Repasá e papel di e konsehero asistente. Animá tur e presentenan pa nan ta diligente den e manera ku nan ta kumpli ku nan asignashonnan, ta partisipá durante e parti di puntonan sobresaliente di Beibel i ta apliká e sugerensianan ku nos ta haña tur siman for di e buki Benefisiá di e Skol di Ministerio Teokrátiko.
15 min: “Konsolá Hende di Kurason Kibrá.”a Relatá brevemente un òf dos eksperensia lokal.
Kantika 34
Siman di 17 di Desèmber
Kantika 28
10 min: Anunsio lokal. Anunsionan selektá for di Nos Ministerio di Reino. Animá tur persona pa wak e DVD Testigunan di Yehova—Organisá pa Kompartí e Bon Nobo komo preparashon pa e konsiderashon den e Reunion di Sirbishi durante e siman di 31 di desèmber.
15 min: “Nos Tin Ku Mantené Nos Entusiasmo pa e Ministerio.”b Entrevistá un publikadó ku ta konosí pa su entusiasmo den e ministerio. Hasié e preguntanan aki: Kiko bo mester a hasi pa mantené bo entusiasmo? Kiko a yuda bo mantené bo entusiasmo?
20 min: “Ofresé e Revistanan Ku Ta Duna Testimonio di e Bèrdat.”c Pidi e presentenan pa komentá riba Nos Ministerio di Reino di novèmber 2006, página 8. Animá nan pa lesa E Toren di Vigilansia di 1 di yanüari i e ¡Despertad! di yanüari. Pidi nan pa bin reunion otro siman ku e revistanan aki.
Kantika 139
Siman di 24 di Desèmber
Kantika 212
10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Menshoná e oferta di literatura pa yanüari i demostrá un presentashon apropiá.
15 min: Prepará pa Ofresé Revistanan Aktual. Konsiderashon ku e presentenan, basá riba E Toren di Vigilansia di 1 di yanüari i e ¡Despertad! di yanüari. Despues di duna un bista general breve di kada edishon, puntra e presentenan kua artíkulo lo atraé hende den e teritorio i dikon. Invitá e presentenan pa duna sugerensia usando algun di e artíkulonan ku nan tin pensá di hala atenshon na dje. Ki pregunta lo bo por hasi pa kuminsá un kòmbersashon? Kua teksto den e artíkulo bo por lesa despues? Kon bo por konektá e teksto ku e artíkulo? Usa e presentashonnan sugerí den Nos Ministerio di Reino òf unu ku e presentenan a sugerí, pa demostrá kon por ofresé kada revista.
20 min: “Pone e Meta pa Kondusí un Estudio di Beibel.”d Entrevistá un òf dos publikadó ku resientemente a kuminsá un estudio di Beibel. Kon e estudio a kuminsá? Kon e estudio ta progresando?
Kantika 21
Siman di 31 di Desèmber
Kantika 89
5 min: Anunsio lokal. Kòrda e publikadónan pa entregá nan rapòrt di sirbishi di vèlt di desèmber.
15 min: E Poder Motivador di Deboshon na Dios. Diskurso animá, basá riba La Atalaya di 1 di mart 1990, página 22-3.
25 min: “E Kampaña di Prediká di Mas Grandi Ku Mundu A Yega di Konosé!”e Invitá e presentenan pa konta di reakshonnan positivo ku nan a haña ora nan a laga famia-, konosí-, rebishita- i studiantenan di Beibel wak e DVD Testigunan di Yehova—Organisá pa Kompartí e Bon Nobo.
Kantika 202
Siman di 7 di Yanüari
Kantika 159
Nota: No mester konsiderá informashon relashoná ku e kongreso di distrito promé ku e siman di 7 di yanüari. Kongregashonnan no mag kambia nan Reunion di Sirbishi di e siman di 7 di yanüari pa un anochi mas promé a ménos ku nan tin e bishita di superintendente di sirkuito. Si ta kanselá e Reunion di Sirbishi di e siman ei pa motibu di asamblea di sirkuito, superintendentenan di estudio di buki mester anunsiá e fecha i sitio di e kongreso na e estudio di buki di e siman ei.
5 min: Anunsio lokal.
15 min: Nesesidat lokal.
25 min: “Kongreso di Distrito 2008 di Testigunan di Yehova.”f Na enkargo di e sekretario di e kongregashon. Promé ku trata e suplemento, lesa e karta di asignashon di kongreso mandá anteriormente. Gradisí tur e presentenan di antemano pa e areglonan ku nan lo bai hasi mas pronto posibel pa asistí na e kongreso.
Kantika 99
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
e Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
f Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.