Programa di Reunion di Sirbishi

Siman di 11 di Febrüari

Kantika 168

10 min: Anunsio lokal. Usa e sugerensianan na página 8 òf otro presentashon apropiá pa boso teritorio pa demostrá kon pa ofresé E Toren di Vigilansia di 1 di febrüari i ¡Despertad! di febrüari.

15 min: Bo Por Sirbi Kaminda Tin Mas Nesesidat? Diskurso i konsiderashon ku e presentenan basá riba E Toren di Vigilansia di 15 di yüli 2003, página 20. Inkluí komentario for di e buki Organisá, página 111, paragraf 1 te página 112, paragraf 1. Entrevistá brevemente kualke persona ku a yega di muda pa yuda kaminda tin mas nesesidat. Ki reto nan a enfrentá, i kon nan a vense nan? Ki bendishon nan a haña?

20 min: Yuda Publikadónan Nobo Progresá Komo Minister. Despues di un introdukshon di ménos ku un minüt, sigui ku un konsiderashon mediante pregunta i kontesta for di E Toren di Vigilansia di 1 di desèmber 2005, página 31, usando e preguntanan di e artíkulo mes. Despues di konsiderá paragraf 18, tene un demostrashon den kua un publikadó nobo huntu ku un publikadó eksperensiá ta topa ku un doño di kas ku ta bin ku un opheshon. E publikadó nobo no ta kontest’é na un manera efektivo, i e doño di kas ta terminá e kòmbersashon. Despues ku nan bai for di e kas, e publikadó eksperensiá ta elogiá e publikadó nobo sinseramente pa su esfuerso, i despues e ta mustra e publikadó nobo kon e por usa e buki Rasonamentu òf e foyeto chikí Con pa Cuminsá i Continuá Consideracionnan Bíblico pa kontestá kualke opheshon ku lo por para kòmbersashon den futuro.

Kantika 50

Siman di 18 di Febrüari

Kantika 17

10 min: Anunsio lokal. Anunsio selektá for di Nos Ministerio di Reino.

10 min: Nesesidat lokal.

25 min: “Un Muestra di Nan Fe!”a Na enkargo di e superintendente di sirbishi. Konkluí ku un repaso positivo di loke e kongregashon a logra durante e aña di sirbishi ku a pasa.

Kantika 194

Siman di 25 di Febrüari

Kantika 81

10 min: Anunsio lokal. Kòrda e publikadónan pa entregá nan rapòrt di sirbishi di vèlt di febrüari. Lesa informe di kuenta i e konfirmashon ku sukursal a risibí e donashonnan. Demostrá kon pa usa e invitashon di Memorial pa invitá un miembro di famia òf un bisiña.

20 min: “Konmemorá e Reskate ku Gratitut.”b Segun tempu ta permití, invitá e presentenan pa lesa i komentá riba tekstonan menshoná.

15 min: Prepará pa Ofresé e Revistanan Nobo. Konsiderashon ku e presentenan. Despues di resaltá brevemente puntonan for di E Toren di Vigilansia di 1 di mart i ¡Despertad! di mart, puntra e ouditorio kua artíkulo e hendenan den teritorio lo gusta mas i dikon. Invitá e ouditorio pa menshoná puntonan spesífiko di e artíkulonan ku nan tin pensá di usa. Ki pregunta lo bo por hasi pa kuminsá un kòmbersashon? Kua teksto den e artíkulo bo por lesa despues? Usa e sugerensianan di e ouditorio òf esnan den Nos Ministerio di Reino pa demostrá kon por ofresé E Toren di Vigilansia di 1 di mart i ¡Despertad! di mart.

Kantika 119

Siman di 3 di Mart

Kantika 223

10 min: Anunsio lokal. Repasá puntonan prinsipal di e kuadro “Rekordatorionan pa Memorial.”

20 min: Bo Por Kuminsá un Estudio di Beibel na Mart? Konsiderashon ku ouditorio. Durante e luna di mart nos lo ofresé e buki Beibel Ta Siña ku e meta pa kuminsá estudionan di Beibel. Repasá algun rasgo sobresaliente di e buki. Splika kon lo por ofres’é ora nos bai bèk serka un persona interesá ku a aseptá e invitashon di Memorial, un hende ku a tuma revista, i ora nos ta ofresé e buki di kas pa kas despues di 22 di mart. (Wak km-PA 8/07 pág. 3; km-PA 3/06 pág. 1, §3; km-PA 1/06 pág. 3-6.) Tene un òf dos demostrashon.

15 min: Usa Beibel Ora di Kontestá Pregunta. Diskurso i konsiderashon ku e presentenan basá riba e buki Skol di Ministerio, página 143-4. Inkluí un demostrashon breve den kua un doño di kas ta hasi un publikadó un pregunta ku hende ta hasi frekuentemente den e teritorio. E publikadó ta usa Beibel pa duna kontesta.

Kantika 145

[Footnotes]