Anunsio

◼ Oferta di literatura pa òktober: E Toren di Vigilansia i ¡Despertad! Kaminda hende mustra interes, presentá i konsiderá e tratado Lo Bo Kier Sa Mas Tocante Bijbel? ku e meta pa kuminsá un estudio di Beibel. Novèmber: E buki Kiko Beibel Ta Siña Realmente? Hasi esfuerso spesial pa kuminsá estudio di Beibel. Desèmber: Ofresé e buki E homber mas importante cu hamás a biba. Si un hende bisa ku e tin yu, ofresé e buki Siña for di e Gran Maestro. Oferta únikamente pa Aruba: Hala Serca Yehova. Lo ta bon pa kongregashonnan hasi pedido di e buki akí i hasi un esfuerso spesial pa ofresé e buki den e idioma papiamentu di Aruba, ya ku tin un stòk muchu grandi na sede mundial. Yanüari: E buki Kiko Beibel Ta Siña Realmente? Si e doño di kas tin e buki kaba, por ofres’é kualke buki di 192 página ku su blachinan a bira hel òf a kambia koló òf kualke buki publiká promé ku 1992.

◼ Novèmber lo ta un bon luna pa traha pionero ousiliar, ya ku e tin sinku fin di siman kompletu.

◼ Nota pa superintendente presidente i superintendente di Skol di Ministerio Teokrátiko: E programa nobo di reunion di kongregashon ta kuminsá e siman di 29 di desèmber 2008, i e programa ahustá akí lo sali den Nos Ministerio di Reino di desèmber 2008. Dirigí e Repaso di Skol di Ministerio Teokrátiko di e siman ei na armonia ku e instrukshonnan ku tin pa e Repaso di Skol di Ministerio Teokrátiko den e Programa pa Skol di Ministerio Teokrátiko pa 2009. E anochi ei lo no konsiderá kualidat di papia.

◼ Durante un Reunion di Sirbishi den yanüari nos lo trata e vidio Sin Sanger—Medisina Ta Aseptá e Reto. Si ta nesesario, mester bestèl e vidio òf DVD via kongregashon mas pronto posibel.