E Trabou di Mas Dushi

1. Ki trabou di kurashon spiritual ta tumando lugá den nos tempu?

¹ Kurason di esnan ku a presensiá e kurashonnan físiko ku a tuma lugá den promé siglo a yena ku un goso inmenso. (Luk. 5:​24-⁠26) Den nos tempu, nos tin goso den e trabou di kurashon spiritual. (Rev. 22:​1, 2, 17) Ta emoshonante pa lesa relatonan tokante e manera ku Yehova su Palabra i spiritu santu a kambia bida di hende. Lo ta asta mas emoshonante ora bo partisipá den e trabou ei studiando ku un hende ku ta hasi progreso.

2. Ki goso nos ta eksperensiá segun ku nos ta siña un studiante e bèrdat?

² Kiko ta Dios su nòmber? Pakiko e ta permití sufrimentu? Kiko e Reino di Dios lo hasi pa humanidat? Nos ta sinti goso no solamente ora nos ta kontestá preguntanan asina sino tambe ora nos ta mira e goso riba kara di e studiante segun ku e ta siña e bèrdat. (Pro. 15:⁠23; Luk. 24:⁠32) Segun ku e studiante ta progresá, e ta kuminsá usa Yehova su nòmber, kambia su manera di bisti i areglo personal, evitá práktikanan perhudisial i kuminsá duna testimonio na otro hende. Si e sigui progresá te na dedikashon i boutismo, lo e bira nos ruman i kompañero di trabou. Kada un di e pasonan akí ta motibu di goso.​—⁠1 Tes. 2:​19, 20.

3. Ki pasonan práktiko nos por tuma pa por haña un estudio di Beibel?

³ Abo Por Partisipá? Si abo tambe kier partisipá den e trabou mas gososo akí, pidi Yehova den orashon p’e duna bo e privilegio di kondusí un estudio di Beibel, anto aktua na armonia ku bo petishon. (1 Juan 5:⁠14) Prediká kaminda bo por haña hende. Ofresé un estudio di Beibel si ta apropiá na e momento ei. (Ekl. 11:⁠6) Si bo a topa hende ku tin interes anto a planta e simia di e bèrdat, kòrda bolbe pa muha e simia ei.​—⁠1 Kor. 3:⁠6-⁠9.

4. Dikon nos tin ku ofresé estudio di Beibel ku un sentido di urgensia?

⁴ Ainda tin hopi hende ku tin hamber i set pa hustisia. Ken lo yuda nan satisfasé nan “nesesidat spiritual” (NW ) pa medio di un estudio di Beibel? (Mat. 5:​3, 6) Laga nos ofresé nos mes boluntariamente pa yuda kaba ku e trabou di prediká i hasi disipel promé ku e tempu di kosecha terminá.​—⁠Isa. 6:⁠8.