Kiko Nos Por Bisa di e Revistanan

E Toren di Vigilansia 1 di Mart

“Testigunan di Yehova ta bon konosí pa nan trabou di prediká. Bo a yega di puntra bo mes pakiko nos ta hasi e trabou akí? [Permití e persona kontestá.] Wak kiko Beibel ta bisa. [Lesa Mateo 24:⁠14.] E revista akí ta kontestá e preguntanan: Kiko e bon notisia akí ta? Kiko e Reino ta? I ta fin di kiko ta biniendo?”

¡Despertad! Mart

Si bo topa un hóben, bai na e artíkulo ku ta kuminsá na página 26. Mustr’é e promé suptema anto puntr’é, “Lo bo por bisa kua di e frasenan akí ta korekto òf inkorekto?” [Permití e persona kontestá. Despues lesa 2 Korintionan 7:⁠1.] E artíkulo akí tin algun punto tokante humamentu ku ta bon pa bo sa, inkluso kon pa stòp di huma.”

E Toren di Vigilansia 1 di Aprel

“Hopi hende tin ideanan masha distinto tokante Hesus. Abo ta kere ku ta importante pa nos sa e bèrdat tokante Hesus? [Permití e persona kontestá. Despues lesa Juan 17:⁠3.] E revista akí ta splika, segun Beibel, di unda Hesus tabata, kon el a hiba su bida i pakiko el a muri.”

¡Despertad! Aprel

“Bo no ta di akuerdo ku ún di e kosnan di mas duru ku un hende por pasa aden ta ora e pèrdè un ser kerí? [Permití e persona kontestá.] Loke e teksto akí ta bisa a yuda hopi hende. [Lesa Salmo 55:⁠22.] E revista akí ta menshoná algun manera práktiko pa trata ku tristesa, inkluso kon pa tira nos karga riba Dios.”