Kiko Nos Por Bisa di e Revistanan

E Toren di Vigilansia 1 di Mart

“Bo ta pensa ku Beibel ta e Palabra di Dios òf djis un bon buki? [Permití e persona kontestá.] Wak kiko Beibel mes ta bisa. [Lesa 2 Timoteo 3:​16 i 17.] E revista akí ta trata kon lo bo por tuma un bon desishon den e asuntu akí i dikon esaki ta asina importante.”

¡Despertad! Mart

“Hopi hende tin rèspèt pa Beibel pero nan ta pensa ku e tin masha tiki balor práktiko den nos mundu moderno. Kiko abo ta pensa? [Permití e persona kontestá. Despues lesa Romanonan 15:⁠4.] E artíkulo akí ta splika dikon asta e partinan mas bieu di Beibel ta balioso te awe.” Hala atenshon na e artíkulo ku ta kuminsá na página 28.

E Toren di Vigilansia 1 di Aprel

“Ora bo puntra hende ken ta e persona ku tabatin un impakto hopi grandi den historia, mayoria lo kontestá Hesus. Abo tambe ta pensa ku ta Hesus? [Permití e persona kontestá.] Tin hopi informashon kontradiktorio tokante Hesus, pero wak dikon nos mester purba haña sa kiko ta bèrdat tokante dje. [Lesa Juan 17:⁠3.] E edishon spesial akí di E Toren di Vigilansia ta mustra kiko Beibel ta bisa tokante Hesus i su siñansanan.”

¡Despertad! Aprel

“Ta parse ku nos no tin sufisiente tempu pa logra tur e kosnan ku nos ke hasi. Bo tambe ta sinti asina? [Permití e persona kontestá.] Hopi hende a haña e konseho akí práktiko. [Lesa Efesionan 5:⁠16.] E revista akí ta duna algun sugerensia práktiko ku por yuda nos hasi bon uso di nos tempu.”