Kiko Nos Por Bisa di e Revistanan

E Toren di Vigilansia 1 di Mart

“Abo ta pensa ku tur kos ku ta pasa den bida ta destiná pa sosodé? [Permití e persona kontestá.] Wak kiko Beibel ta bisa. [Lesa Eklesiastés 9:⁠11.] E revista akí ta splika ku ounke Dios a determiná di antemano un futuro briante pa e tera, e ta laga kada un di nos mes skohe nos propio rumbo den bida.”

¡Despertad! Mart

“Nos tur ta apresiá ora nos tin bon amigu. Kua kualidatnan bo ta haña ku un bon amigu mester tin? [Permití e persona kontestá.] Tuma nota di loke Beibel ta bisa di esei. [Lesa Proverbionan 17:⁠17.] E artíkulo akí ta duna sugerensia kon pa skohe bon amigu i kon pa ta un bon amigu pa otronan.” Hala atenshon na e artíkulo ku ta kuminsá na página 18.

E Toren di Vigilansia 1 di Aprel

“Kiko bo ta opiná di loke Hesus a bisa akinan? [Lesa Juan 3:3.] Kiko bo ta kere nase di nobo ta nifiká? [Permití e persona kontestá.] Ora nos ta komprondé eksaktamente loke Hesus su palabranan kier men, esei lo tin un efekto riba nos bida i riba nos ekspektativanan pa futuro. E revista akí ta splika dikon.”

¡Despertad! Aprel

“Ta parse ku hopi mucha di skol tin strès. Bo ta kere ku tin un diferensia kompará ku e tempu di nan mayornan? [Permití e persona kontestá.] Demasiado strès por tin mal efekto. [Lesa Eklesiastés 7:⁠7a.] E revista akí ta mustra kon hende grandi por yuda hóbennan trata ku strès.”