Diesdos Motibu pa Prediká

Dikon nos ta prediká e bon notisia i dirigí estudio di Beibel ku hende? Akaso e motibu prinsipal ta pa yuda hende sinsero subi riba e kaminda ku ta hiba na bida? (Mat. 7:14) Aunke esei ta e promé motibu ku tin riba e siguiente lista, tòg pa nos e no ta esun prinsipal. Di e siguiente 12 motibunan ku nos tin pa prediká, kua abo ta kere ta esun di mas importante? E trabou di prediká . . .

1. Ta yuda salba bida.—Huan 17:3.

2. Ta spièrta e malbado.—Eze. 3:18, 19.

3. Ta kumpli ku profesia di Beibel.—Mat. 24:14.

4. Ta demostrá Dios su hustisia. Ningun persona lo por akusá Yehova ku el a destruí e malbadonan sin duna nan oportunidat pa arepentí.—Echo. 17:30, 31; 1 Tim. 2:3, 4.

5. Ta yuda nos kumpli ku nos obligashon di duna yudansa spiritual na hende ku a ser kumprá ku e sanger di Hesus.—Rom. 1:14, 15.

6. Ta yuda nos evitá kulpa di sanger.—Echo. 20:26, 27.

7. Ta un rekisito pa nos mes haña salbashon.—Eze. 3:19; Rom. 10:9, 10.

8. Ta demostrá amor pa próhimo.—Mat. 22:39.

9. Ta prueba ku nos ta obedesé Yehova i su Yu.—Mat. 28:19, 20.

10. Ta parti di nos adorashon.—Heb. 13:15.

11. Ta demostrá ku nos ta stima Dios.—1 Huan 5:3.

12. Ta kontribuí na santifikashon di e nòmber di Yehova.—Isa. 43:10-12; Mat. 6:9.

Klaru ku tin mas motibu pakiko nos ta prediká. Por ehèmpel, ora nos ta prediká, nos fe ta bira mas fuerte, i nos tin e privilegio di ta kompañero di trabou di Dios. (1 Kor. 3:9) Sinembargo, e motibu di mas importante pakiko nos ta prediká ta number 12. Sea ku hende skucha òf nò, nos sirbishi ta kontribuí na santifikashon di e nòmber di Dios i ta hasi posibel ku Yehova por kontestá esun ku ta reproch’é. (Pro. 27:11) En bèrdat, nos tin bon motibu pa ‘sigui siña hende i deklará e bon notisia sin stòp.’—Echo. 5:42.