Hóbennan Sa Puntra —Kiko Lo Mi Hasi ku Mi Bida? (Parti 1)

Segun ku hóbennan ta krese pa bira adulto, nan tin ku tuma desishonnan importante den bida. Pa yuda nan den esaki, a prepará e DVD Hóbennan Sa Puntra—Kiko Lo Mi Hasi ku Mi Bida? Riba e menú prinsipal, skohe e opshon “Ver drama,” anto wak e pelíkula i purba kontestá e preguntanan di paragraf 2. Despues, skohe riba e menú prinsipal e opshon “Entrevistas,” anto skohe “Al mirar atrás . . . ,” i trata di kontestá e preguntanan di paragraf 3.

Pelíkula: (1) Kiko hopi hóben kristian djawe ta pasa aden meskos ku Timoteo? (2) Kon nan a pone preshon riba Andy p’e sobresalí den deporte? (3) Kiko Ruman Fleissig a bisa Andy tokante (a) su meta di dediká su mes tantu na Yehova komo na deporte? (Mat. 6:24) (b) e fuente di berdadero felisidat? (c) loke su kònchi di kampo di konsentrashon ta lag’é kòrda? (d) e personanan ku ta huntu kuné i su kasá riba e potrèt? (e) si a duel e ku e no a sigui su soñonan? (Flp. 3:8) (4) Kiko Andy su wela a kontest’é ora Andy a puntr’é: ‘Ta algu malu si mi ke bira un deportista famoso?’ (Luk. 4:5-7) (5) Andy a sintié satisfecho despues ku el a gana e kareda? (6) Kiko a konmové bo mas di e karta ku Ruman Fleissig a laga pa Andy? (Pro. 10:22) (7) Kiko Ruman Fleissig a yuda Andy realisá?

Al mirar atrás: (8) Ki karera e ruman hòmber i e ruman muhé a kuminsá, i dikon? (9) Kuantu éksito nan tabatin? (10) Kiko a pone kada un di nan hasi kambio den nan bida? (2 Kor. 5:15) (11) Ku ki karera teokrátiko nan a remplasá nan karera anterior, i dikon nan a konkluí ku nan no por a sigui tur dos? (12) Ta duel nan ku nan a kambia nan meta den bida? (13) Kiko nan a bisa ku a pone bo pensa seriamente riba loke abo mester hasi ku bo bida?

Den e Reunion di Sirbishi di otro siman nos lo trata e otro entrevistanan i e informashon èkstra ku tin riba e DVD. P’esei hasi bon preparashon pa bo por duna komentario.