Hóbennan Sa Puntra —Kiko Lo Mi Hasi ku Mi Bida? (Parti 2)
Riba e menú prinsipal di e DVD Hóbennan Sa Puntra—Kiko Lo Mi Hasi ku Mi Bida? skohe e opshon “Entrevistas” i despues “Secciones.” Ora bo kaba di wak e tres sekshonnan, usa e preguntanan di paragraf 2 pa repasá e informashon. Bolbe na e menú prinsipal i skohe e opshon “Extras.” Ora bo kaba di wak e sinku entrevistanan, usa e preguntanan di paragraf 3 pa repasá loke bo a siña.
Secciones—Lo Bo Dediká Bo Mes na Dios òf na Metanan sin Balor? (1) Hóbennan ta bou di preshon pa sigui ki metanan? (2) Kon 1 Huan 2:17 por yuda hóbennan disidí kon leu nan ke yega ku enseñansa avansá? (3) Pakiko nos no mester laga miedu stroba nos di batisá? (4) Kiko ta algun kos ku por yuda nos dal e pasonan pa yega na boutismo? Siña Disfrutá di Bo Sirbishi: (5) Dikon algun hóben no ta gusta sali den sirbishi? (6) Kiko por yuda nos disfrutá di sirbishi? (7) Algun hóben tin miedu di papia ku hende ku nan no konosé. Kiko ta duna nan mas miedu ainda i dikon? (8) Kon nos por vense nos miedu i haña kurashi pa papia? (9) Dikon ta importante tambe pa desaroyá sierto abilidatnan den sirbishi? Un Porta Habrí pa Sirbi Yehova: (10) Kon e sirbishi di pionero ta yuda nos progresá den sentido spiritual? (Flp. 3:16) (11) Pakiko algun ta mek pa pasa dor di e porta ei? (12) Ki prinsipionan di Beibel por yuda nos pa no bira muchu preokupá ku nos situashon ekonómiko? (13) Kiko algun pionero a hasi pa por kubrí nan gastunan? (14) Kiko bo por hasi si bo sirkunstansianan no ta permití bo kuminsá ku e sirbishi di tempu kompleto?
Extras—E Importansia di Estudio Personal: (15) Pakiko ta importante pa bo tin un bon programa di estudio personal? Otro Maneranan di Duna Testimonio: (16) Dikon nos ta haña mas goso ora nos partisipá den e diferente rasgonan di sirbishi? Sirbishi di Bètel: (17) Kiko ta algun satisfakshon ku bo ta haña ora bo ta sirbi na Bètel? Skol di Entrenamentu Ministerial: (18) Ki benefisio esnan ku a asistí na e skol akí (ku awor yama Skol Bíbliko pa Ruman Hòmber Soltero) a saka? Skol di Galaad pa Misionero: (19) Kon Peter i Fiona a prepará pa bira misionero, i kon e Skol di Galaad a yuda nan?