Programa pa e Siman di 24 di Desèmber
SIMAN DI 24 DI DESÈMBER
Kantika 5 i Orashon
□ Estudio di Beibel di Kongregashon:
lv tema di e apèndiks ku ta kuminsá na pág. 207 i kaba na pág. 209 (30 min.)
□ Skol di Ministerio Teokrátiko:
Lesamentu di Beibel: Zakarías 9-14 (10 min.)
Num. 1: Zakarías 11:1-13 (4 min. òf ménos)
Num. 2: Ken Su Orashon Dios Ta Dispuesto pa Tende?—rs-S pág. 270 §1–pág. 271 §1 (5 min.)
Num. 3: Den Ki Situashon Nos Por Apliká Proverbionan 15:1? (5 min.)
□ Reunion di Sirbishi:
30 min: Hasi Bon Uso di Nos Website Ofisial. Diskurso ku partisipashon basá riba página 3-6. Na página 4, tene un demostrashon di tres minüt den kua un famia ta kaba di hasi nan Adorashon Komo Famia. E tata ta puntra si tin sugerensia di loke por trata e siguiente siman, i e yunan ta sugerí algun artíkulo di e sekshon “Jóvenes” di jw.org. Puntra e presentenan kon nan a usa nos website, òf tin pensá di us’é pa nan estudio personal i di famia. Na página 5, tene un demostrashon di tres minüt kaminda un publikadó ta usa un aparato móbil pa bishitá e website pa kontestá un doño di kas ku a hasié pregunta tokante nos kreensianan. Na página 6, tene un demostrashon di kuater minüt kaminda un publikadó ta kòmbersá ku un persona interesá ku ta preferá di lesa informashon den un otro idioma. E publikadó ta usa su aparato móbil òf kòmpiuter di e persona pa mustr’é riba e site e tratado Sa e Bèrdat òf e buki Beibel Ta Siña den e idioma ei. Kaba, e publikadó ta konsiderá un parti di e informashon kuné. Puntra e presentenan kon nan a usa jw.org den sirbishi.
Kantika 101 i Orashon