Algun Sugerensia

Pa Kuminsá Estudio di Beibel Riba e Promé Djasabra di Novèmber

“Hopi hende ta karga e speransa di bai shelu ora nan muri. Esei ta algu ku ta atraé bo? [Permití e persona kontestá.] Mi a haña e pregunta ku e revista akí ta hasi hopi interesante.” Mustra e persona e parti patras di E Toren di Vigilansia di 1 di novèmber i trata e informashon di e promé pregunta. Lesa por lo ménos ún di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Novèmber

“Segun bo, kua ta e mentira di mas grandi ku bo a yega di tende tokante Dios? [Permití e persona kontestá.] Beibel ta bisa nos ku Dios ke pa nos stim’é i konfi’é. [Lesa Isaías 41:13.] E revista akí ta saka na kla tres mentira tokante Dios ku a pone ku ta difísil pa algun hende aserk’é.”

¡Despertad! Novèmber

“Hopi hende ta preokupá ku mundu su normanan moral ta bai atras. Abo ta pensa ku esei ta e kaso? [Permití e persona kontestá.] Beibel a profetisá ku hende su aktitut i komportashon lo empeorá. [Lesa 2 Timoteo 3:1-5.] E revista akí ta mustra nos dikon nos por konfia e normanan moral ku tin den Beibel.”