Hasi Bon Uso di Revistanan Ménos Resien

Ta bon pa ofresé hende revistanan ménos resien ya ku nan no ta yuda niun hende si nos warda nan den kashi òf tira nan afó. Un solo revista por lanta un hende su interes pa e bèrdat i motiv’é pa kuminsá invoká e nòmber di Yehova. (Rom. 10:13, 14) At’akí algun sugerensia ku por yuda nos hasi bon uso di revistanan ménos resien.

• Ora di prediká den teritorio ku no ta ser trahá frekuentemente, kisas bo por laga un ehemplar na e kasnan kaminda no tin hende na e momentonan ei, na un lugá ku ta for di bista di otro hende.

• Ora di prediká na lugánan públiko kaminda tin hende ta warda, manera na parada di bùs òf stashon di trein, puntra e hendenan ku bo topa si nan ke algu di lesa, mustra nan algun ehemplar ku bo tin i laga nan skohe kua nan ke.

• Ora bo bai waserèt, kas di kuido, klínika òf otro lugánan asina ku ta den teritorio di bo kongregashon, laga algun ehemplar den e salanan di espera. Si e persona enkargá t’ei, ta bon pa pidié pèrmit promé. Si bo ripará ku ya tin algun revista, no pone mas aserka.

• Ora bo ta prepará pa hasi rebishita, pensa riba loke ta interesá kada persona ku bo ta bai bishitá. E tin un famia? E ta gusta biaha? E ta gusta planta? Blader den e revistanan ménos resien pa wak si tin un artíkulo ku lo por interes’é i mustr’é esaki ora bo bishit’é.

• Ora bo logra haña un hende interesá na kas atrobe despues di a purba hopi dia sin por lokalis’é, mustr’é algun di e ehemplarnan ku e no a risibí ainda.