Algun Sugerensia

Pa Kuminsá Estudio di Beibel Riba e Promé Djasabra di Desèmber

“Nos ta aki pa kompartí informashon benefisioso ku famianan di nos komunidat. Hopi mayor ke pa nan yunan stima Dios. Bo ta kere ku esaki ta algu ku mayornan por siña nan yunan, òf bo ta kere ku yunan mester siña stima Dios riba nan mes?” Permití e persona kontestá. Mustr’é e artíkulo parti patras di E Toren di Vigilansia di 1 di desèmber, trata e informashon bou di e promé pregunta i lesa maske ta un di e tekstonan kuné. Ofres’é e revistanan i traha un afsprak pa trata e siguiente pregunta.

E Toren di Vigilansia 1 di Desèmber

“Nos ta hasi un bishita breve pa papia tokante Dios. Nos sa ku kada hende tin nan opinion tokante Dios. Bo ta kere ku mayoria di hende ta mira Dios komo un forsa di naturalesa òf komo un amigu ku ta preokupá pa kada un di nos? [Permití e persona kontestá.] E teksto akí di Beibel ta bisa nos ki klase di relashon Dios ke pa nos tin kuné. [Lesa Santiago 4:8a.] E revista akí ta menshoná tres kos ku nos por hasi pa sinti nos mas serka Dios.”

¡Despertad! Desèmber

“Nos ta hasiendo un bishita breve awe pasobra nos ta preokupá ku un problema komun di salú. Segun e Organisashon Mundial di Salú, problemanan di salú mental, manera depreshon, lo afektá un di kada kuater persona na un dado momento den nan bida. Bo ta haña ku problemanan mental ta birando kada bes mas komun? [Permití e persona kontestá.] Beibel ta duna nos e speransa di ku den futuro bida riba tera lo ta sin malesa i doló. [Lesa Revelashon 21:​3, 4.] E revista akí ta splika algun kos ku tur hende mester sa tokante problemanan mental.”