Algun Sugerensia

Pa Kuminsá Estudio di Beibel Riba e Promé Djasabra di Mei

“Nos ta hasiendo un bishita breve pa trata e pregunta interesante akí. [Mustra e persona e promé pregunta parti patras di E Toren di Vigilansia di 1 di mei.] Kiko bo ta pensa di esaki?” Permití e persona kontestá. Trata e informashon di e promé pregunta i lesa por lo ménos ún di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Mei

“Nos ta bishitá bo un ratu asina pasobra nos a ripará ku hopi hende ke sa kiko futuro lo trese kuné. Kiko abo ta pensa di futuro? Bo ta mir’é ku konfiansa òf e ta preokupá bo? [Permití e persona kontestá. Despues, lesa un di e tekstonan for di e kuadro “Loke Dios A Revelá Tokante Futuro.”] E revista akí ta menshoná algun di e kosnan ku Dios ta bisa lo sosodé, i e ta splika dikon nos por ta sigur ku nan lo pasa.”

¡Despertad! Mei

“Nos ta papia un ratu asina ku hende enkuanto kon pa trata ku strès. Abo ta haña ku hende awendia tin mas strès ku ántes? [Permití e persona kontestá.] E konsehonan práktiko ku tin den Beibel a yuda hopi hende siña kon pa trata ku strès. At’akí un ehèmpel. [Lesa Mateo 6:34.] E revista akí ta splika kon prinsipionan di Beibel por yuda nos trata ku kuater kos masha komun ku ta kousa strès.”

Nota: E edishon akí por ta di interes pa hende ku tin negoshi.