Algun Sugerensia

Pa Kuminsá Estudio di Beibel Riba e Promé Djasabra di Òktober

“Nos ta hasi un bishita breve pa papia ku bo tokante bon gobernashon. Bo ta kere ku tin un gobièrnu ku ta kapas pa solushoná problemanan difísil, manera violensia i inhustisia?” Permití e persona kontestá. Kòrda e persona ku den e Orashon di Nos Tata, Hesus a siña su siguidónan pa pidi pa e gobernashon ei, esta, pa e Reino di Dios bini. Despues mustr’é e artíkulo parti patras di E Toren di Vigilansia di 1 di òktober, trata e informashon bou di e promé pregunta i lesa maske ta un di e tekstonan kuné. Ofres’é e revistanan i traha un afsprak pa trata e siguiente pregunta.

E Toren di Vigilansia 1 di Òktober

“Nos ta teniendo un kòmbersashon kòrtiku ku nos bisiñanan tokante un orashon bon konosí ku Hesus a siña su siguidónan. [Lesa Mateo 6:9, 10.] Bo a yega di haña un splikashon lógiko di kiko e Reino di Dios ta i dikon Hesus a enfatis’é asina tantu den su siñansanan? [Permití e persona kontestá.] E revista akí lo mustra bo loke Beibel ta bisa tokante e Reino di Dios i tambe algun di e kambionan maravioso ku e lo trese riba tera.”

¡Despertad! Òktober

“Nos ta di bishita awe pa yuda hende haña kontesta pa e pregunta akí. [Mustra e persona e portada di e revista.] Bo ta kere ku un persona mester ta riku pa e por ta realmente eksitoso? [Permití e persona kontestá.] Beibel ta mustra kon nos por tin un punto di bista balansá di kosnan material. [Lesa Lukas 12:15.] Segun Beibel, berdadero éksito ta na alkanse di kada un di nos. E revista akí ta splika kon esei ta posibel.”