Algun Sugerensia

Pa Kuminsá Estudio di Beibel Riba e Promé Djasabra di Febrüari

“Kasi tur hende ku nos a papia kuné tin nan mes opinion tokante Beibel. Algun ta kere ku e ta e Palabra di Dios i otronan ta mir’é djis komo un simpel buki. Kiko abo ta pensa?” Permití e persona kontestá. Despues, mustr’é e artíkulo parti patras di E Toren di Vigilansia di 1 di febrüari i trata e informashon bou di e promé pregunta i lesa maske ta un di e tekstonan kuné. Ofres’é e revistanan i traha un afsprak pa trata e siguiente pregunta.

E Toren di Vigilansia 1 di Febrüari

“Mayoria di hende ke mira un fin na guera. Bo ta kere ku hende por logra trese pas na mundu? [Permití e persona kontestá.] Tuma nota di loke Beibel ta primintí. [Lesa Salmo 46:9.] E revista akí ta splika algun suseso interesante ku a tuma lugá durante i despues di Promé Guera Mundial ku ta duna nos e siguransa ku pronto Dios lo kumpli ku e profesia akí i pone un fin na guera pa semper.”

¡Despertad! Febrüari

“Nos kier a papia un ratu asina ku bo tokante un problema ku tur hende ta konfrontá. Ta parse ku nos nunka tin sufisiente tempu pa hasi tur loke nos ke hasi. Bo ta kere ku esei ta pasobra nos programa ta muchu yen òf pasobra nos no ta usa nos tempu bon? [Permití e persona kontestá.] Hopi hende no sa ku Beibel ta duna nos konsehonan práktiko ku ta yuda nos usa nos tempu bon. Wak un di nan akí. [Lesa Filipensenan 1:10a.] E revista akí ta duna kuater sugerensia ku a yuda hopi hende hasi mihó uso di nan tempu.”