Dikon Hende No Por Trese Pas na Mundu?​—Kiko Beibel Ta Bisa?

E lidernan di mundu i vários organisashon internashonal no ta logra trese pas na mundu. Desde Segundo Guera Mundial, tin mas i mas konflikto i violensia. Mas o ménos, dos mil mion hende, esta, un kuart di e poblashon mundial, ta ser afektá pa motibu di konflikto.

Dikon hende no por logra trese pas? Kiko Beibel ta bisa?

Tres motibu ku ta mustra dikon hende no por trese pas

1. 1. Aktitut di hende ta stroba nan asta di purba di drecha asuntu ku otro. Hopi tempu pasá, Beibel a deskribí aktitut di e hendenan di nos tempu: “Hende lo stima nan mes, stima plaka; nan lo ta bromadó, arogante, . . . desleal, . . . nan lo no ta dispuesto pa sera ningun akuerdo; . . . sin dominio propio, feros, . . . kabesura, hinchá di orguyo.”​—2 Timoteo 3:2-4.

2. 2. Ni individual ni komo grupo, hende no tin e kapasidat pa resolvé nan problemanan sin yudansa di nan Kreador, Yehovaa Dios. Beibel ta bisa ku “no ta keda na un persona pa e mes dirigí su pasonan.”—Yeremías 10:23.

3. 3. Ta Satanas, òf Diabel, ta goberná e mundu akí. E ta un gobernante poderoso i malbado. E “ta gaña henter e tera habitá.” (Revelashon 12:9) Pues, tanten ku “henter mundu ta den poder di e Malbado,” lo tin guera i konflikto.​—1 Huan 5:19.

Ken sí por trese pas?

Beibel ta sigurá nos ku pronto lo tin pas mundial. Beibel ta mustra ku ta bai tin pas mundial danki na Dios, i no debí na esfuerso humano.

• “Esaki ta loke Yehova ta bisa: ‘Mi sa bon bon loke mi tin na mente pa boso. Mi ke duna boso pas, i no kalamidat. Lo mi duna boso un speransa i un bon futuro.’”​—Yeremías 29:11.

Kon Dios lo realisá e promesa ei? Beibel ta mustra ku Dios lo aplastá Satanas. (Romanonan 16:20) Pa medio di “e Reino di Dios,” ku ta un gobièrnu selestial, Dios lo trese pas rònt mundu. (Lukas 4:43) Bou di guia di Hesukristu, Rei di e Reino di Dios, hende lo siña biba na pas ku otro.​—Isaías 9:6, 7.

• Pa haña mas informashon, lesa e artíkulo: “Kiko e Reino di Dios Lo Hasi?”