Orkidianan Na Peliger?

Orkidianan ta adaptá nan mes. Nan por crece den tera, den palu i asta riba baranca. Pero e Union Internacional pa Conserbacion di Naturalesa i Recursonan Natural (IUCN) ta spierta cu hopi tipo dje mata mahestuoso aki lo no por sigui sobrebibí den mondi si hende sigui daña su medio ambiente. Wendi Strahm di IUCN ta bisa: “Cambionan den e habitat ta nificá cu insectonan cu ta esencial pa fertilisacion ta bai den extincion of ta muda bai otro caminda.” E ta agregá: “Ora esei sosodé, orkidia no por reproducí mas.”

Segun cálculo, 20 porciento dje cincu miyon orkidianan bendí rond mundu tur aña ta ser sacá for di mondi. Segun IUCN, esaki ta interferí cu e conserbacion dje mata bunita aki. P’esei, IUCN ta recomendá pa esnan cu kier obtené orkidia, cumpra nan na tienda di mata en bes di saca nan for di nan medio ambiente natural.

Hende conocé por lo ménos 20.000 especie di orkidia. Algun ta bira 0,6 centimeter so di haltu; otronan ta rama bai te na un largura di 30 meter. Mayoria especie di orkidia ta bona den áreanan calor i tropical unda tin hopi awaceru. Pero nan ta dependé dje balansa delicado di naturalesa pa sobrebibí.

Lamentablemente, e ignorancia i descuido di hende ta sigui daña e medio ambiente, menasando cada bes mas i mas mata, incluyendo orkidia. Pero no pa hopi tempu mas. Den e mundu nobo cu Dios a primintí, hende lo biba den armonia cu naturalesa. N’e tempu ei e palabranan aki dje salmista lo cumpli: “Laga campo abierto alegrá i tur loke tin den dje. A la bes laga tur mata di mondi grita gososamente.”—Salmo 96:12.

[Plachi Rekonosementu na página 31]

Jardinería Juan Bourguignon

[Plachi Rekonosementu na página 31]

Jardinería Juan Bourguignon