‘Un Panorama Hopi Scur Pa Salu Mental’

“Apesar dje avancenan médico impresionante riba hopi tereno di cuido médico, nos ta enfrentá un panorama mundial hopi scur pa salú mental.” Asina un artículo publicá den Synergy, un boletin dje Asociacion Canades pa Salú Internacional, a remarcá.

Un informe ta mustra cu riba escala mundial, 1 di cada 4 hende ta sufri di trastorno mental, emocional of problema cu conducta. Un otro estudio a indicá cu 1 di cada 3 pashent cu ta bou di tratamentu médico, a busca esaki debí cu e ta sufri di depresion of problema di ansiedad. I e investigadónan ta bisa cu e cantidadnan ei ta aumentando.

Di con? Un estudio conducí dor dje Departamento di Medicina Social dje Universidad di Harvard ta mustra cu malesanan manera depresion clínico, eskisofrenia i verkalking ta aumentando, pasobra “tin mas hende ta yega e edad di rísico.” Sin embargo, biba mas largu no ta e único motibu. Mester culpa problemanan económico tambe, i ademas e aumento di stres den e bida moderno.

Con e cuadro scur aki por cambia? E expertonan ta bisa cu entre e hopi aspectonan di cuido médico, mester duna e prioridad na salú mental, pasobra e “ta representá un dje último speransanan pa mehorá e situacion humano.”