For Di Nos Lectornan

Pesticida Ami cu mi esposa a keda masha contentu cu e artículo “Pesticida Kímico No Ta Mata Insecto Indeseá So.” (8 di mart 1999) Como ecologista, nos a purba di combatí e venenamentu dje tera aki. Ta trankilisá nos pa sa cu tin hende na Brazil, China i otro paisnan, cu tambe ta interesá i cu ta haci algu constructivo.

W. G., Cánada

Muchanan den Crísis Mi kier expresá mi aprecio pa e seri “Muchanan den Crísis—Ken Lo Protehá Nan?” den e edicion di 8 di april 1999. Mi ta haña cu e tema dramático di abusu di mucha mester ta un estímulo constante pa lanta opinion público. Ta nos deber pa protehá e mundu di nos muchanan. Sigui cu boso bon trabou.

P. P., Departamento di Raad pa Mucha, Ciudad di Roma, Italia

Ta escandaloso pa pensa cu na drempel di siglo 21, ainda hopi mucha ta traha como catibu i ta ser usá pa mata otro hende. Ta asta mas duru pa aceptá e echo cu mayoria di nan tin poco prospecto di un mihó bida. Un biaha mas, Spierta! a describí cu exactitud e condicion penoso dje muchanan na mundu.

S. R. B., Brazil

Despues di 36 aña casá, mi ta divorciá awor. Mi a haña sa cu mi esposo a abusá sexualmente di mi propio yu muhernan stimá pa añanan. (E no tabata un cristian.) Ora mi a haña sa esei el a saca mi completamente for di balansa. Tabata parce cu niun hende no ta comprendé e gravedad di abusu sexual ni e dolor indescriptibel cu esnan inocente ta sufri. P’esei mi ta gradicí Jehova cu boso a skirbi tocante e epidemia aki.

N. M., Merca

Interes den Hende Grandi Mi a ègt apreciá e artículo “Mustra cu Bo Ta Interesá.” (8 di april 1999) Hopi hende grandi den cas di cuido ta ser lubidá dor di nan famia. Pero un par di luna pasá, un par di nos a dicidí di bai combersá tocante Bijbel cu algun hende den un cas di cuido pegá cu nos. Despues, nos a toca piano pa nan i a papia cu nan. Nos tin pensá di bishitá nan regularmente awor.

C. V., Merca

Kier Cos Cu Bo No Por Haña Mi a caba di lesa e artículo “Hóbennan Sa Puntra . . . Di Con Mi No Por Haña e Cosnan cu Mi Kier?” (8 di april 1999) Mi kier gradicí boso pa e artículo aki pasobra el a pone mi realisá cu mi no por haña tur loke mi kier. Pero manera e artículo a bisa, Jehova sa kico nos tin mester i mi ta masha contentu cu mi tin un bida simpel.

C. K., Cánada