E Goso di Wak Para

KI DISTINTO mundu lo tabata sin para! Nan chipchip, nan canticanan, nan colornan i vuelonan variá—tur ta contribuí na e bunita variedad di bida. Pero cuantu biaha nos ta para ketu pa scucha i observá nan? Si bo ta biba den stad rondoná pa e actividad i bochincha di bida diario i e boroto di tráfico, kisas bo no ta ni ripará e paranan cu tin den bo bario. Asta si bo ta biba den cunucu, ta fácil pa considerá nan como algu di mes. Pero lo bo tin gana di mira bo paranan local mas djacerca?

Bo por haci esei cu un simpel baki cu cuminda di para den bo curá, poné den bista di un bentana. Anto, tur loke bo mester ta un verrekijker i un cámara cu un bon lens di trece cerca—i un poco pacenshi! Soru pa bo tin basta rol di film di alta velocidad i un manual di para cu hopi plachi, pa yuda bo identificá nan. Anto, wak, scucha i disfrutá!