Di Koutiverio na Babilonia te na Reedifikashon di e Muraya di Yerusalèm

Miéntras ku e israelitanan tabata den koutiverio na Babilonia, nan fe a wòrdu poné na hopi prueba. Sadrak, Mesak i Abed-nego tabata tirá den un fòrnu di kandela, pero Dios a laga nan sali bibu. Anto despues ku e medo- i personan a derotá Babilonia, Daniel a ser tirá den kueba di leon, pero Dios a protehá e tambe, serando boka di e leonnan.

Finalmente, Siro rei di e personan a liberá e israelitanan. Nan a bolbe na nan pais nèt 70 aña despues ku nan a wòrdu hibá prezu na Babilonia. Un di e promé kosnan ku nan a hasi ora nan a yega Yerusalèm tabata kuminsá traha e tèmpel di Yehova. Pero pronto algun enemigu a para nan trabou. P’esei ta te rònt di 22 aña despues ku nan a bolbe Yerusalèm ku finalmente nan a kaba e tèmpel.

Despues nos ta siña di Esdras su biahe di regreso pa Yerusalèm pa embeyesé e tèmpel. Esei tabata mas ku 47 aña despues ku nan a kaba e tèmpel. Anto, 13 aña despues di e biahe di Esdras, Nehemias a yuda reedifiká e muraya kibrá di Yerusalèm. Parti SINKU ta kubri 152 aña di historia.