Ken Ta Amigu Di Dios?

Jesucristo ta Jehova su Yu i amigu mas pegá i stimá. Promé cu el a biba como hende riba tera, Jesus a biba den shelu como un criatura spiritual poderoso. (Juan 17:5) Despues el a bini na tera pa siña hende e berdad tocante Dios. (Juan 18:37) Tambe el a duna su bida humano pa salba hende obediente for di picá i morto. (Romanonan 6:23) Awor Jesus ta e Rey dje Reino di Dios, un gobiernu celestial cu lo trece Paradijs p’e tera aki.—Revelacion 19:16.

E angelnan tambe ta amigu di Dios. Bida di angel no a cuminsá manera hende riba tera. Promé cu Dios a traha e tera, nan tabata creá den shelu. (Job 38:4-7) Tin miyones di angel. (Daniel 7:10) E amigunan celestial aki di Dios kier pa hende siña e berdad tocante Jehova.—Revelacion 14:6, 7.

Dios tin amigu riba tera tambe; e ta yama nan su testigonan. Un testigo den corte ta conta loke e sa di un persona of algu. Testigonan di Jehova ta conta otronan loke nan sa tocante Jehova i su propósito. (Isaías 43:10) Mescos cu e angelnan, e Testigonan kier yuda bo siña e berdad tocante Jehova. Nan kier pa bo tambe ta amigu di Dios.