PARTI 9

Ki Dia Tera Lo Bira un Paradeis?

E problemanan di awendia ta indiká ku e Reino di Dios ta serka. Lukas 21:10, 11; 2 Timoteo 3:1-5

Problema ku ta komun den e último dianan—wega di plaka, guera, malesa, skarsedat di kuminda, desobediente na mayornan, i violensia

For di hopi tempu pasá Beibel a papia di tur e problemanan ku tin awe. E ta bisa ku yunan lo desobedesé nan mayornan, ku hende lo stima plaka i plaser, i ku nan lo ta feros.

Tambe e ta bisa ku lo tin temblor grandi, guera, skarsedat di kuminda i hopi malesa. Tur ta kosnan ku ta pasando awendia.

Un Testigu di Yehova ta prediká e bon notisia di Reino na un hòmber

Hesus a bisa tambe ku e bon notisia tokante e Reino lo ser prediká rònt mundu.—Mateo 24:14.

E Reino di Dios lo kaba ku tur maldat. 2 Pedro 3:13

Na Armagedòn lo kaba ku tur mal hende i despues Satanas i su demoñonan lo haña kastigu

Pronto Yehova lo kaba ku tur mal hende.

Satanas i su demoñonan lo haña nan kastigu.

Hesus ta sinta riba su trono selestial i hende di diferente nashon ta alegrá

Hende ku skucha Dios lo biba den un mundu nobo. Nan lo no tin miedu mas, pasobra tur hende lo konfia otro i stima otro.