Kiko Ta e Yabi pa Felisidat den Famia?

LOKE BEIBEL TA BISA

“Felis ta esnan ku ta tende e palabra di Dios i ta kumpli kuné!”​—Lukas 11:28, Tradukshon di Mundu Nobo.

KIKO ESAKI POR NIFIKÁ PA NOS?

Nos por disfrutá di amor berdadero.​—Efesionan 5:28, 29.

Nos por disfrutá di rèspèt sinsero.​—Efesionan 5:33.

Nos por disfrutá di berdadero union.​—Marko 10:6-9.

DI BÈRDAT NOS POR KERE LOKE BEIBEL TA BISA?

Sí, i nos tin por lo ménos dos motibu pa esei:

• Dios ta Esun ku a funda bida di famia. Beibel ta bisa ku “tur famia . . . a haña nan nòmber” for di Yehova Dios. (Efesionan 3:14, 15) Ku otro palabra, ta Yehova a establesé bida di famia. Dikon e punto akí ta importante?

  Pensa un ratu riba lo siguiente: Si bo ta disfrutando di un kuminda sabroso i bo ke sa kiko ta ingredientenan ku nan a usa, ken lo bo puntra? Lo bo puntra esun ku a kushin’é, no ta bèrdat?

  Meskos tambe, pa bo haña sa kiko ta e ingredientenan pa un bida di famia felis, bo tin ku akudí na Yehova, Esun ku a funda bida di ­famia.​—Génesis 2:18-24.

• Dios ta interesá den bo famia. Famianan sabí ta buska Yehova su konseho den Beibel. Dikon? ‘Pasobra e ta ­interesá den nan.’ (1 Pedro 5:6, 7) Yehova tin nos tur su bienestar na pechu, i su ­konseho semper ta duna bon resultado.​—Proverbionan 3:5, 6; Isaías 48:17, 18.