Kiko e Reino di Dios Ta?

LOKE BEIBEL TA BISA

“E Dios di shelu lo lanta un reino ku nunka lo no wòrdu destruí.”​—Daniel 2:44, Beibel Santu.

“Un yu hòmber ta duná na nos, i e gobernashon lo ta riba su skouder.”​—Isaías 9:6.

KIKO ESAKI POR NIFIKÁ PA BO?

• Un gobièrnu hustu ku ta benefisiá bo personalmente.​—Isaías 48:17, 18.

• Den e binidero mundu nobo, hende lo tin salú perfekto i felisidat.—Revelashon 21:3, 4.

DI BÈRDAT NOS POR KERE LOKE BEIBEL TA BISA?

Sí, i nos tin por lo ménos dos motibu pa esei:

• Hesus a mustra kiko e Reino di Dios lo hasi. Hesus a siña su siguidónan pidi pa e Reino di Dios bini i pa e boluntat di Dios sosodé riba tera. (Mateo 6:9, 10) Hesus a mustra kon Dios lo kontestá e orashon ei.

  Tempu Hesus tabata riba tera, el a alimentá hende ku tabatin hamber, kura hende enfermo i lanta hende for di morto. (Mateo 15:29-38; Huan 11:38-44) Asina Hesus, e futuro Rei di e Reino di Dios, a demostrá kiko e Reino ei lo hasi pa su siudadanonan.—Revelashon 11:15.

• Susesonan mundial ta indiká ku pronto e Reino di Dios lo bini. Hesus a profetisá ku promé ku e Reino trese pas riba tera lo tin guera, hamber i temblor kontinuamente.​—Mateo 24:3, 7.

  E susesonan ei ta bisto awe. P’esei nos ta mas konvensí ku nunka ku e Reino di Dios pronto lo kaba ku tur e problemanan ei.