LÈS 02

Beibel Ta Primintí un Futuro Maravioso

Edishon Imprimí

Awendia, hopi hende ta sinti nan tristu debí na e problemanan ku nan ta haña nan kuné. Ademas, nan problemanan ta duna nan strès i ta asta kousa nan doló. Bo tambe a yega di sinti bo asina? Kisas bo ta sufri di un malesa òf bo ta tristu debí ku un ser kerí di bo a fayesé. Podisé bo ta puntra bo mes: ‘Lo yega e dia ku kos lo bira mihó?’ E kontesta ku Beibel ta duna pa e pregunta ei lo laga bo keda satisfecho.

1. Ki speransa Beibel ta duna nos pa futuro?

Beibel ta splika dikon nos tin asina tantu problema. Ademas, e ta duna nos e bon notisia ku pronto tur e problemanan akí lo no eksistí mas. E promesanan ku tin den Beibel ta duna nos un maravioso speransa pa futuro. (Lesa Yeremías 29:11, 12.) E promesanan ku nos ta haña den Beibel ta yuda nos trata ku nos problemanan, ta yuda nos tin un aktitut positivo i ta sigurá nos ku nos lo ta felis pa semper.

2. Kiko Beibel ta primintí pa futuro?

Beibel ta bisa ku den futuro ‘lo no tin morto mas ni tristesa ni sklamashon ni doló.’ (Lesa Revelashon 21:4.) Awe, hende ta sufri debí na, por ehèmpel, inhustisia, pobresa, malesa i morto. Den futuro, e kosnan ei lo no eksistí mas. Ademas, Beibel ta primintí ku den futuro hende lo biba pa semper den Paradeis aki riba tera.

3. Kon bo por haña mas konfiansa den e promesanan ku tin den Beibel?

Hopi hende ta spera ku situashon di mundu lo drecha un dia, pero nan no tin sigur ku esei lo sosodé. Sinembargo, nos por konfia tur loke Beibel ta primintí pa futuro. Ora nos tuma tempu pa “analisá Skritura,” esta, studia Beibel bon, nos konfiansa den Beibel lo bira mas fuerte. (Echonan 17:11) Segun ku bo ta studia Beibel, lo bo mira pa bo mes si bo por konfia loke Beibel ta bisa tokante futuro.

KIKO MAS NOS POR SIÑA?

Laga nos wak algun promesa ku nos ta haña den Beibel tokante futuro i kon e speransa ku nos ta haña den Beibel ta yuda hende awe.

Kolekshon di plachi: Kontraste entre e manera ku mundu ta den nos tempu i e manera ku Beibel a primintí ku mundu lo ta den futuro. E plachinan akí ta ser ripití abou.

4. Beibel ta primintí ku hende lo biba pa semper den un mundu sin problema

Wak e siguiente promesanan ku nos ta haña den Beibel. Kua di e promesanan akí bo tin masha gana di mira kumpli, i dikon?

Lesa e tekstonan ku tin tras di kada promesa i analisá e siguiente preguntanan:

Bo ta haña ku e tekstonan akí ta duna bo speransa? Bo ta kere ku e tekstonan akí por duna bo famia i bo amigunan speransa?

Imaginá bo mes den un mundu kaminda

NIUN HENDE LO NO . . .	TUR HENDE LO . . .
sinti doló, bira bieu òf muri.—Isaías 25:8.	mira nan sernan kerí ku a muri ser resusitá pa biba aki riba tera.—Huan 5:28, 29.
ta malu ni desabilitá.—Isaías 33:24; 35:5, 6.	ta bon di salú i yen di energia.—Yòb 33:25.
pasa den inhustisia.—Isaías 32:16, 17.	tin kuminda na abundansia, bon lugá di biba i trabou ku ta duna nan goso.—Salmo 72:16; Isaías 65:21, 22.
sufri debí na guera.—Salmo 46:9.	disfrutá di pas pa semper.—Salmo 37:11.
tin pensamentu òf rekuerdo ku ta kousa nan doló.—Isaías 65:17.	biba pa semper den un mundu perfekto.—Salmo 37:29.

Un mucha hòmber ku un tempu tabata malu awor ta bon di salú i ta brasa su mama.

Un hòmber ku un tempu tabata di edat avansá awor ta yòn i ta pusha un krenwá (garetia) yen di bèrdura.

5. E promesanan ku tin den Beibel por yuda bo tin un mihó bida for di awor

E problemanan ku tin awendia ta hasi hopi hende tristu i ta asta pone nan rabia. Algun hende ta lucha pa hasi mundu un mihó lugá di biba. Wak kon e promesanan di Beibel tokante un mihó futuro ta yuda hende for di aworakí. Pasa e VIDIO. Despues, analisá e siguiente preguntanan:

VIDIO: Mi Kier A Bringa Kontra Inhustisia (4:07)

Kolekshon di plachi: Esena di e vidio ‘Mi Kier A Bringa Kontra Inhustisia.’ 1. Rafika tabata piki katuna huntu ku otro hende di su mes rasa tempu ku e tabata mucha. 2. Rafika a keda kontentu di mira hende di diferente rasa huntu ora el a bai un kongreso di Testigunan di Yehova pa promé bes.

Ki inhustisia tabata preokupá Rafika?
Aunke ku e inhustisia ku tabata preokup’é no a disparsé, kon Beibel a yud’é?

Ora nos ta konfia ku loke Beibel ta primintí pa futuro lo bira realidat, nos lo por trata ku desanimashon i nos lo por ta felis apesar di problema. Lesa Proverbionan 17:22 i Romanonan 12:12. Awor, analisá e siguiente pregunta:

Bo ta kere ku e promesanan ku tin den Beibel por yuda bo hiba un mihó bida for di awor, i dikon?

LOKE HENDE SA BISA: “Loke Beibel ta primintí pa futuro ta zona muchu bon pa ta bèrdat.”

Dikon bo ta kere ta importante pa bo investigá pa bo mes ku e promesanan ku tin den Beibel lo kumpli?

RESÚMEN

E promesanan ku tin den Beibel tokante un mihó futuro ta duna nos speransa i ta yuda nos trata ku problema.

Repaso

Dikon hende tin mester di speransa?
Segun Beibel, kon bida lo ta den futuro?
Kon e speransa ku Beibel ta duna pa futuro por yuda bo for di awor?

A kompletá e lès akí dia:

Meta

Lesa e tekstonan ku tin den e lès akí un biaha mas pa bo por familiarisá bo mes ku e promesanan ku tin den Beibel.

Otro meta:

Your other goal

MAS INFORMASHON INTERESANTE

Wak kon nos speransa pa futuro por yuda nos ora nos ta pasa den situashon difísil.

“Unda Hende Por Haña Speransa?” (Spièrta! di 22 di aprel 2004)

Wak kon hende ku tin malesa króniko ta benefisiá ora nan enfoká riba nan speransa pa futuro.

“Beibel Por Yuda Hende Ku Tin Malesa Króniko?” (artíkulo riba jw.org)

Ora bo wak e vidio musikal akí, purba di imaginá abo i bo famia disfrutando di bida den Paradeis.

Imaginá Kon Mundu Nobo Lo Ta (3:37)

Lesa kon bida di un aktivista sosial a kambia ora el a siña loke Beibel ta primintí pa futuro.

“Mi No Ta Sinti Mas Ku Mi Tin Ku Kambia Mundu” (E Toren di Vigilansia di 1 di yüli 2013)