REBISHITA
LÈS 7
Sigui Perseverá
Prinsipio di Beibel: “Nan a sigui siña hende i prediká bon notisia tokante Hesus, kende ta Kristu.”—Echo. 5:42.
Loke Pablo A Hasi
1. Wak e VIDIO òf lesa Echonan 19:8-10. Despues, analisá e siguiente preguntanan:
Ora algun hende a oponé Pablo, e no a entregá. Kiko a yuda Pablo perseverá i sigui yuda e hendenan ku a mustra interes?
Kuantu biaha Pablo a bai bèk pa siña e hendenan ku a mustra interes, i pa kuantu tempu el a hasi esei?
Kiko Nos Por Siña for di Pablo?
2. Nos tin ku saka tempu pa hasi rebishita na un manera efikas i pa kuminsá estudio di Beibel.
Imitá Pablo
3. Adaptá bo programa na e programa di otro hende. Puntra bo mes: ‘Ki ora mi tin mas chèns di haña un sierto persona pa kòmbersá kuné? Unda i ki ora lo e por papia ku mi?’ Sea dispuesto pa bishitá un persona, asta na un ora ku no ta kumbiní bo mashá.
4. Traha afsprak. Na final di kada kòmbersashon, purba di palabrá un ora spesífiko pa papia ku e persona atrobe. I hasi esfuerso pa bo kumpli ku bo afsprak.
5. Sigui karga speransa. No kore konkluí ku un persona ku bo no ta haña na kas òf ku ta okupá no ta interesá. (1 Kor. 13:4, 7) Mas bien, perseverá. Sigui hasi esfuerso pa bo haña e persona, pero usa bo tempu na un manera sabí.—1 Kor. 9:26.