Reunion Anual

1 Di October, 1994

E REUNION ANUAL dje miembronan di Watch Tower Bible and Tract Society of Pennsylvania lo ser tené dia 1 di october, 1994, n’e Salon di Asamblea di Testigonan di Jehova, 2932 Kennedy Boulevard, Jersey City, New Jersey. Un reunion preliminar dje miembronan so lo tuma lugá pa 9:30 a.m., siguí p’e reunion anual general pa 10:00 a.m.

E miembronan dje corporacion mester informá e Oficina di Secretario awor di cualkier cambio den nan adres di post durante e último aña di manera cu e cartanan regular di aviso i documento di volmacht por alcansá nan durante juli.

E documentonan di volmacht, cu lo ser mandá n’e miembronan huntu cu e aviso dje reunion anual, mester ser mandá bek pa asina alcansá e Oficina di Secretario dje Sociedad no mas tardá cu 1 di augustus. Cada miembro mester completá i debolbé su documento di volmacht mesora, declarando cu si e ta bai tei presente personalmente of no. E informacion duná riba cada documento di volmacht mester ta definitivo riba e punto aki, ya cu lo dependé riba dje pa determiná ken lo ta personalmente presente.

Ta ser sperá cu henter e sesion, incluyendo e reunion formal di negoshi i informenan, lo terminá 1:00 p.m. of djis despues di esei. Lo no tin sesion di atardi. Debí na espacio limitá, por drenta solamente cu karchi di entrada. Lo no haci areglo pa conectá e reunion anual mediante liña di telefon cu otro auditorio.