Bo Ta Corda?

Bo a apreciá di lesa e edicionnan recien di E Toren di Vigilancia? Wel, mira si bo por contestá e siguiente preguntanan:

▫ Pakico e cristiannan di promé no a celebrá Jesus su fecha di nacementu?

Segun The World Book Encyclopedia, “e Cristiannan di Promé no a celebrá [Jesus] su nacementu, pasobra nan a considerá e celebracion di cualkier hende su cumpleaño un custumber pagano.”—15/12, página 4.

▫ Mester dirigí oracionnan na Jesus?

No, pasobra oracion ta un forma di adoracion cu ta pertenecé exclusivamente na Dios Todopoderoso. Dor di dirigí tur nos oracionnan na Jehova Dios, nos ta indicá cu nos a tuma na pechu Jesus su instruccion pa resa: “Nos Tata cu ta den cielu.” (Mateo 6:9)—15/12, página 25.

▫ Pakico un huicio diferente a ser aplicá n’e picá serio di Rey David en comparacion cu e picánan di Ananías i Safira? (2 Samuel 11:2-24; 12:1-14; Echonan 5:1-11)

E picá di Rey David tabata debí na debilidad carnal. Ora el a ser confrontá cu loke el a haci, el a repentí, i Jehova a pordon’é—aunke e mester a biba cu e consecuencianan di su picá. Ananías i Safira a peca den e sentido cu nan a gaña hipócritamente, purbando di engañá e congregacion cristian i asina a ‘trata e spiritu santu i Dios cu engaño.’ (Echonan 5:3, 4) Esei a resultá di ta evidencia di un curason malbado, p’esei nan a ser husgá mas severamente.—1/1, página 27, 28.

▫ Kico por yuda nos sirbi Jehova cu un curason gososo?

Nos mester cultivá un punto di bista positivo i apreciativo di nos bendicionnan i privilegionan di sirbishi duná dor di Dios, i nunca nos mester lubidá cu siguiendo e Palabra di Dios, nos ta agradand’e—15/1, página 16, 17.

▫ Cua dos cos nos mester tene na mente si nos kier duna animacion eficas?

Promé, pensa riba kico pa bisa, di manera cu e animacion ta specífico. Di dos, busca e oportunidad pa acercá un persona cu ta merecé encomendacion of cu mester ser edificá.—15/1, página 23.

▫ Pakico e “multitud grandi” tin “ramanan di palma den nan man”? (Revelacion 7:9)

E wayamentu dje ramanan di palma ta indicá cu e “multitud grandi” gososamente ta aclamá Jehova su Reino i su Rey ungí, Jesucristo. (Mira Levítico 23:39, 40.)—1/2, página 17.

▫ Cua lesnan balioso ta ser hañá den e buki di Job?

E buki di Job ta mustra nos con pa trata cu problemanan. E ta proveé ehempelnan notabel di con un hende cu ta confrontando pruebanan mester—i no mester—ser consehá. Ademas, Job su propio experencia por yuda nos reaccioná den un manera balansá ora nos haña nos mes boftá dor di circunstancianan adverso.—15/2, página 27.

▫ Kico e milagernan di Jesus ta siña nos?

Jesus su milagernan ta glorificá Dios, poniendo un patronchi pa cristiannan glorificá Dios. (Romanonan 15:6) Nan ta animá pa haci loke ta bon, pa mustra generosidad i pa desplegá compasion.—1/3, página 8.

▫ Cu ki propósito ancianonan ta repasá preguntanan prepará cu esnan recien dedicá?

Esaki ta pa confirmá cu cada candidato ta comprendé completamente e siñansanan básico di Bijbel i ta conciente di loke ta encerá ser un Testigo di Jehova.—1/3, página 13.

▫ Con oracionnan bíblico por beneficiá nos?

Dor di considerá oracionnan bíblico atentamente, nos por identificá e oracionnan cu a ser expresá den situacionnan similar cu esnan di nos. Hañando, lesando i meditando riba tal oracionnan por yuda enrikesé nos mes comunicacion cu Jehova.—15/3, página 3, 4.

▫ Kico ta temor piadoso?

Temor piadoso ta un respet pa Jehova, un reverencia profundo p’e, combiná cu un miedu saludabel di desagrad’é. (Salmo 89:7)—15/3, página 10.

▫ Cua ta tres manera den cua Bijbel ta mustra nos cu nos ta precioso den bista di Dios?

Bijbel ta siña cu cada un di nos tin balor den bista di Dios (Lucas 12:6, 7); e ta clarificá loke Jehova ta considerá di masha balor den nos (Malakías 3:16); i e ta relatá loke Jehova a haci pa demostrá su amor pa nos. (Juan 3:16)—1/4, página 11, 12, 14.

▫ Pakico Hebreonan 10:24, 25 ta mas cu simplemente un mandamentu pa cristiannan reuní huntu?

E palabranan aki di Pablo ta establecé un norma divinamente inspirá pa tur reunimentu cristian—realmente, pa cualkier ocasion ora cristiannan ta asociá huntu.—1/4, página 16.