Bini n’e Congreso di Distrito “Fe den e Palabra di Dios”!

HOPI miyones di hende lo ta presente na cientos di sitio rond mundu. Na Aruba i Curaçao so tin 5 congreso programá. E promé lo ta 11 pa 13 di juli i e último, 8 pa 10 di augustus. Probablemente un dje reunionnan di tres dia aki—di diabierne te diadomingo—lo ta na un lugá no muchu leu for di bo cas.

Lo bo beneficiá for di un abundancia di instruccion práctico for di Bijbel. Na mayoria lugá e programa lo cuminsá tur mainta 9:30 cu música. Riba diabierne mainta lo tin 25 minuut di entrevista cu hende kende nan bida a ser afectá profundamente dor di nan fe den e Palabra di Dios. E promé sesion ei lo concluí cu e discurso clave, “Cana pa Fe, No pa Bista.”

E promé discurso diabierne atardi lo considerá e papel vital cu hóbennan ta hunga den e congregacion cristian. E siguiente simposio di tres parti ta considerá con normanan bíblico ta conectá cu conducta cristian den abla, maneranan i aparencia personal. Siguientemente e discursonan “Cuidou cu un Falta di Fe” i “E Palabra di Dios Ta Bibu” ta enfocá riba e spiertamentu excelente den Hebreonan capítulo 3 i 4. E programa di diabierne lo concluí cu e discurso “Un Buki pa Tur Hende.”

E promé discurso diasabra mainta ta “Fe Sin Obra Ta Morto.” Un otro discurso importante e mainta ei, “Saca Rais i Bira Stabilisá den e Berdad,” ta describí con pa logra crece spiritualmente. E sesion lo concluí cu un rasgo acustumbrá di congreso, “Fe den e Palabra di Dios Ta Hiba na Bautismo,” despues di cua lo tin provision pa disipelnan nobo ser bautisá.

E discurso di apertura diasabra merdia, “Hiba un Lucha Duru p’e Fe,” ta trata e spiertamentu dje buki bíblico di Hudas. Un simposio di un ora largu titulá “Ban n’e Cas di Jehova” lo considerá e beneficionan di reunionnan cristian. E programa dje dia ei ta concluí cu e discurso “E Calidad di Bo Fe—Probá Awor.”

E programa di diadomingo mainta ta presentá un simposio di tres parti cu lo considerá e buki bíblico di Joël, incluyendo su aplicacion pa nos tempu. Despues ta sigui un drama bíblico titulá “Mantené Bo Wowo Simpel.” Un punto sobresaliente dje congreso ta e discurso público parti atardi, “Fe i Bo Futuro.”

Bo presencia siguramente lo enrikesé bo spiritualmente. Lo bo ricibí un bon biní cordial na tur sesion. Traha plan awor pa asistí. Pa e sitio mas cerca di bo cas, tuma contacto cu e Salon di Reino local di Testigonan di Jehova of skirbi e publicadónan dje revista aki.