Congreso “Dios Su Caminda di Bida” pa 1998-1999 Ta Cerca!

NA Merca so, tin 198 congreso programá di mei pa september. Probablemente, un dje reunionnan aki di tres dia lo ta na un stad no muchu leu for di bo cas. Na mayoria lugá, e programa lo cuminsá cada dia, di diabierne pa diadomingo, cu música 9:30 a.m.

E programa di diabierne mainta lo resaltá informenan riba e progreso dje trabou di predicacion di Reino na vários parti di mundu. I e discurso clave “E Rescate di Cristo—Dios Su Caminda di Salbacion,” lo enfatisá e tema dje congreso.

E simposio parti atardi, “Mayornan—Inculcá Dios Su Caminda den Boso Yunan,” lo duna sugerencia riba con pa motivá hóbennan pa stima i sirbi Jehova. E programa di atardi lo concluí cu e discurso “Tin Bida Despues di Morto?”

E programa di diasabra mainta lo resaltá e trabou di haci disipel di Testigonan di Jehova den tres parti cu ta sigui otro, “Yuda Hende Subi Riba e Caminda pa Bida,” “E Desafio di Alcansá Hende,” i “Siña Disipelnan Tur Loke Cristo A Manda.” Na conclusion dje programa di mainta, lo tin oportunidad pa disipelnan nobo bautisá.

E promé discurso diasabra atardi, “Sirbi cu Bida Sin Fin na Bista,” ta animá nos pa pensa cu oracion riba nos motibunan personal pa sirbi Dios. E discursonan “Apreciando ‘Donnan den Hende’ Cu Ta Siña Dios Su Caminda” i “Kita e Personalidad Bieu i Bisti Esun Nobo” ta presentá un examinacion iluminador di versículo pa versículo di Efesionan capítulo 4. Siguientemente, e discurso “Mantené Bo Mes Sin Mancha di Mundu” i e simposio consistiendo di tres parti “Hóbennan—Sigui Dios Su Caminda” lo duna spiertamentu bíblico excelente. E programa di atardi ta concluí cu e discurso “E Creador—Su Personalidad i Su Camindanan.”

E programa di diadomingo mainta ta presentá un simposio consistiendo di tres parti cu lo trata e capítulonan di conclusion dje buki bíblico di Ezekiel i tambe nan aplicacion profético. Pa completá e programa di mainta tin e drama cu ta basá riba e fieldad dje tres hóbennan hebreo den pleno trahe i esenario antiguo. E punto culminante dje congreso parti atardi ta e discurso público, “E Unico Caminda cu Ta Hiba na Bida Eterno.”

Dor di ta presente pa tur e tres dianan sigur lo bo ser enrikesé spiritualmente. Bo ta cordialmente bon biní na tur sesion, i pa nan tur e entrada naturalmente lo ta grátis. Pa e sitio mas cerca di bo cas, tuma contacto cu e Salon di Reino local di Testigonan di Jehova of skirbi e publicadónan dje revista aki.