PREGUNTA KU BEIBEL TA KONTESTÁ
Ki propósito nos planeta tin?
Dios a krea tera pa e por ta un lugá agradabel pa humanidat
Nos planeta ta ideal pa sostené bida. Tin mas ku sufisiente awa riba tera, lokual ta importante pa bida por ta posibel. E echo ku tera ta drei rònt di su as den un posishon skùin segun ku e ta dal buèlta rònt di solo ta evitá ku laman ta fris òf keinta di mas i evaporá. Ademas, tera su atmósfera i forsa magnétiko ta proteh’é kontra radiashon mortal. I e manera kon mata i bestia ta dependé di otro ta fasinante. P’esei hopi hende a yega na e konklushon ku nos planeta a ser diseñá ku un propósito.—Lesa Isaías 45:18.
Pero, kisas bo ta puntra bo mes si tabata e propósito pa hende sufri i pasa inhustisia tambe.—Lesa Deuteronomio 32:4, 5.
E propósito pa tera lo kumpli?
Dios a krea e tera pa hende ku ta respetá otro i ku ta stim’é biba den un ambiente agradabel. Pues, bida humano tin un propósito mas elevá ku e bida di mata i bestia. Nos por komprondé ken nos Kreador ta i nos ta atmirá i imitá su amor i hustisia.—Lesa Eklesiástes 12:13; Mikéas 6:8.
Nos Kreador por kumpli ku tur loke e pone su mes pa hasi. P’esei, nos por ta sigur ku lo e kaba ku maldat i sufrimentu i hasi nos planeta un lugá perfekto i agradabel pa humanidat.—Lesa Salmo 37:11, 29; Isaías 55:11.